Mutambi wa kale wa Pirates zwino u hola R300k nga VHEGE
Mutambi wa kale wa Orlando pirates Mohau Nkota zwino u khou hola R300k nga vhege ngei Saudi Arabia nga murahu ha musi o dzhena Al Ettifaq nga nḓila i mangadzaho.
Mutambi wa kale wa Orlando Pirates Mohau Nkota o ita tshimangadzo nga Ṱhangule nga u pfulutshela Saudi Arabia, a ṱanganela na Al Ettifaq kha thendelano ya miṅwaha miraru.
Mutambi wa winger wa minwaha ya 20 o ṱuwa Afrika Tshipembe nga murahu ha miṅwedzi ya fumi-malo fhedzi sa mutambi muhulwane wa Buccaneers, he a kora zwikoro zwa sumbe na u thusa vhatambi vhaṱanu kha mitambo ya 39.
Zwino ro no wana uri u ṱuwa honoho ho ri vhuyedza lungafhani.
Uya nga ha Capology, vha hola €19,231 nga vhege, zwine zwa ṱoḓa u swika R300,000.
Zwa ita uri tshelede ine vha i hola nga ṅwaha i vhe €1 miḽioni (R20 236 620).
Capology, pulatifomo ine ya tevhela miholo ya bola ya milenzhe na masheleni a kilabu, i sumbedza zwikhala zwi vhuedzaho zwo lindelaho vhatambi vha re na vhukoni mashangoni a nnḓa.
Mutambi uyu o bebwaho Kimberley o no vha na mvelelo kha Saudi Pro League, o tamba lwa vhuṋa na u kora tshikoro tshithihi na u thusa vhaṅwe luvhili.
Kha tshigwada, u ḓo sedzana na vhatambi vhahulwane vha ḽifhasi u fana na Cristiano Ronaldo, N’Golo Kanté, Karim Benzema, Sadio Mane, na Riyad Mahrez,
- Vhalani hafhu : ‘Pfarelo, fhedzi Chiefs a yo ngo ntakadza’ – Broos
vhukando vhuhulwane u bva kha tshiṱitshi tsha Afrika Tshipembe.
Translated by Nthaduleni Rolivhuwa
