Ramorboli o topola munwe Mofokeng ane a do bvelela kha Pirates

Mugudisi wa Botswana Vho-Morena Ramoreboli vha tenda uri Tefo Mofokeng u na zwine vha zwi ṱoḓa u itela u dzhena kha thimu ya u thoma kha Orlando Pirates kha khalanwaha i ḓaho.

Tefo Mofokeng zwazwino o hadzimiwa kha thimu ya Mochudi centre chiefs kha la Botswana, he a kora zwikoro zwa rathi kha mitambo ya 12.

Fomo yawe yo ita uri a wane pfufho ya Mutambi wa Ṅwedzi nga Tshimedzi nahone zwa khwaṱhisa bvumo ḽawe sa muṅwe wa vhatambi vha khwinesa kha ḽigi.

Ramorboli uri tshitaila tsha Tefo Mofokeng tshi tendelana na ṱhoḓea dza mutambi wa vhukati wa Orlando Pirates wa musalauno, zwine zwa ita uri a vhe mutambi wavhuḓi wa vhumatshelo.

“Musi u tshi sedza Mofokeng, u nga vhona zwavhuḓi zwine wa nga zwi lavhelela kha mutambi wa Pirates arali a tshi nga kona u dzula e kha fomo yawe,” ho amba Ramorboli.

Vho vha vha tshi khou amba fhedzi na nyanḓadzamafhungo yapo ine ya vha na vhushaka na Safja.

Mugudisi wa Center Chiefs Vho-Pontsho Moloi na vhone vho khoda Mofokeng, vhari mutambi uyu ubva tshe a shandukisa vhuimo hawe ha u tamba u khou ita zwimangadzo.

O swika kha Botswana giants sa mutambi wa murahu wa tsha u ḽa, fhedzi mugudisi a mu tshintsha nga murahu ha musi o vhona khonadzeo dzawe.

“O vha e mutambi washu wa nṱhesa, zwine zwa sumbedza uri vhuimo hawe vhuswa vhu a mu fanela khwine u fhira vhuimo ha murahu he a vha a tshi tamba khaho kale,” Moloi o vhudza FARPost.

Ramoreboli u tenda uri ligi ya Botswana ndi pulatifomo yo khwaṱhaho ya u bveledza vhatambi vhaswa vha Afrika Tshipembe.

• VHALANI HAFHU : Rivero o amba zwine zwa ita uri Mbokazi a vhe o khetheaho

Vho dzinginya uri hu thomiwe maitele vhukati ha kilabu dza Afrika Tshipembe na Botswana u itela u thusa vhatambi vha re na vhukoni uri vha bveledzwe nga nḓila i bvelelaho.