Vhatambi vha Chiefs vhe vha vha vho huvhala vho vhuya

Vhatsireledzi vhavhili vhe vha vha vha sa vhonali mudavhini lwa tshifhinga nyana na vhone vho ambiwa musi Kaizer Chiefs i tshi divhadza tshigwada tshayo tsha Egypt.

Tshigwada tsha Naturena tshi khou livha kha Pharaohs kha mutambo watsho wa u thoma kha tshigwada tsha Caf Confederation Cup.

Vha do tangana na Al Masry nga Mugivhela nga masiari. Nga Ḽavhuṋa, Kaizer Chiefs yo bvisa mutevhe wa vhatambi vhane vha khou ṱuwa.

Zwe zwa kunga maṱo kha mutevhe uyu ndi u bvelela ha Given Msimango na Paseka Mako vhukati ha vhatambi vhane vha khou ṱuwa.

Vhuvhili havho ndi kale vha sa vhonali mudavhini, nga maanḓa Msimango we a vha o huvhala vhukati ha khalanwaha yo fhiraho.

Msimango ha ngo vhonala kha team ubva tshe ino khalanwaha ya thoma fhedzi zwi vhonala uri o fhola tshothe sa izwi o vhuyelela kha thimu ya duvha la mutambo.

Mako – we a dzhena kha Kaizer Chiefs a tshi bva Orlando Pirates a songo lavhelelwa mathomoni a khalanwaha – na ene o fhola.

Mutambi wa murahu wa tsha monde o vha o no thoma u ṱhonifhiwa vhukuma nga vhatikedzi musi a tshi huvhala zwe zwa ita uri a dzule nnḓa lwa vhege nnzhi.

U vhuya ha avha vhatsireledzi zwi ḓo khwaṱhisa vhukuma Chiefs, nga maanḓa ngauri zwenezwino ho vhuya mutambi wa murahu wa tsha u ḽa Thabiso Monyane.

• VHALANI HAFHU: Riverio o khoḓa u pfulutshela ha Nkota ngei Saudi Arabia

Vhatambi vhane Chiefs ya do vha tambisa  kha mutambo ndi avha:

• Vhalindavhuno: Brandon Peterse, Bruce Bvuma
  Vhatsireledzi: Thabiso Monyane, Dillan Solomons, Bradley Cross, Paseka Mako, Inacio Miguel, Given Msimango, Zitha Kwinika
  Vhatambi vha vhukati: Sibongiseni Mthethwa, Thabo Cele, George Matlou, Siphesihle Ndlovu, Lebohang Maboe, Nkosingiphile Ngcobo, Mduduzi Shabalala, Mfundo Vilakazi, Asanele Velebayi, Pule Mmodi
  Vhatambi vha phanḓa: Etiosa Ighodaro, Ashley Du Preez, Flavio Da Silva