Caf yo imisa Mukoko o nga ṅwambo wa u ṱhasela vha Bucs
Naho o swika fhano na Saint-Eloi Lupopo, mutambi wa murahu wa tsha u ḽa Amale Mukoko u ḓo xelelwa nga mitambo mivhili ya u thoma ya zwigwada zwa Caf Champions League.
Lupopo yo vhuya Afrika Tshipembe u tamba na Mamelodi Sundowns Stadium tsha Loftus nga Mugivhela.
Caf yo mu imisa lwa mitambo mivhili zwi tshi tevhela vhudifari hawe vhu si ha vhudi kha mutambo we a tamba na Orlando Pirates kha dzi qualifiers nwedzi wo fhelaho.
Amale Mukoko o vha e kha mafhungo nga murahu ha u tamba hawe kha mutambo wa vhuvhili tshitediamu tsha Orlando.
Musi vhanwe vho zwi landula sa zwa u tamba na u swaswa, vhanwe vho sasaladza zwiito zwa Mukoko.
Zwino nga murahu ha u sedzulusa tshiwo itshi, Caf yo dzhia tsheo ya u mu imiswa lwa mitambo mivhili.
Kha zwiṅwe zwa zwiwo zwawe, o vhonala a tshi khou rwa Masindi Nemtajela kha ṱhoho na u lingedza u rwa Oswin Appollis.
O dovha a sinyusa vha bentshi na vhatikedzi vha Pirates nga u dzulela u vha sema musi vha tshi ita zwavhuḓi.
Amale Mukoko o ponyoka khadi tswuku kha mutambo naho o vha o ḓifara zwavhuḓi.
U imiswa hawe nga Caf zwi tshimbilelana na Athikili 11 na 123 dza Khoudu ya Vhuḓifari ya dzangano.
Tsheo iyi i do ita uri a si kone u tamba mutambo wa Mugivhela na Sundowns ngei Loftus na mutambo wa mafhelo a vhege a daho na Al Hilal SC.
