Chiefs i nga vhofholola mutambi wa vhukati Chisslett

Kaizer Chiefs hu pfi i khou humbula u bvisa mutambi wa vhukati ane a khou ṱhasela Ethan Chisslett nga murahu ha musi o kundelwa u ita mvelelo kha thimu.

Chisslett o vha e munwe wa vhatambi vhaswa vhe vha ḓiswa nga Kaizer Chiefs mathomoni a khalanwaha.

Ho vha hu tshi pfi ndi muṱhaseli ane a fulufhedzisa ane a ḓo ḓisa vhuimo ho fhambanaho kha u ṱhaselwa ha Amakhosi.

Fhedzi mitambo ya 12 kha khalanwaha, mutambi o bebwaho Durban u khadi kundelwa kha thimu zwino mavharivhari o thoma a uri a nga bviswa.

Tshisima tsha Naturena tshiri vhalanguli vha tshigwada vho vha vha tshi khou sedza dzi kilabu dzine dza khou toda u mu hadzima.

• VHA RI WANA KHA FACEBOOK| Mitamboyashu.co.za

“Mbilaelo ya u thoma yo vha ya uri ha na tshenzhemo ya mutambo wapo, ngauralo u hadzimisswa zwi ḓo vha zwavhuḓi khae,” ho amba tshisima.

“Ndivho ndi ya uri o vha a tshi ḓo wana tshenzhemo nahone a vhuya o ḓilugisela khwine u ya kha tshigwada tsha nṱha.

“Fhedzi nga zwine nda khou pfa, ahuna dzi kilabu dza PSL dzine dza khou toda u mu dzhia sa izwi hu sa athu vha na muthu ane a divha tshithu nga hae zwa vhukuma.

“Na thimu dza NFD a dzi na dzangalelo khae nahone zwi ḓo konḓa na kha hafu ya vhuvhili ya khalanwaha na thimu dzi tshi khou ṱoḓa mvelelo u fhira naho hu lini.”

Nḓila i tevhelaho ya khwiṋe ndi ya uri Kaizer Chiefs i mu vhofholole uri a kone u ya u isa phanḓa na mushumo wawe huṅwe fhethu.

• VHALANI HAFHU : Rivero o amba zwine zwa ita uri Mbokazi a vhe o khetheaho

“Zwi vhonala zwo livha nga yeneyo nḓila – vha nga kha ḓi tou fhelisa vhushaka nae ngauri zwi a konḓa vhukuma uri a wane tshikhala tsha u tamba,” ho engedza tshisima.