Mahlambi o wana tshinwe tshikhala kha kilabu ya Premiership
Sa vhunga o vha e nṱha ha bola ya milenzhe kale, Phakamani Mahlambi u khou lingedza u vhuisa mushumo wawe nḓilani – tshifhinga hetshi na TS Galaxy.
Phakamani Mahlambi o gudisa na Durban City mathomoni a khalanwaha musi Gavin Hunt a tshi khou ṱoḓa u mu thusa uri a vhuyelele kha bola ya milenzhe.
Fhedzi hezwo a zwo ngo shuma. Nahone zwino mulanguli wa TS Galaxy Vho-Tim Sukazi vho mufha tshinwe tshikhala tsha u vusuludza mushumo wawe.
Izwi zwo khwaṱhisedzwa nga mugudisi wa Rockets Vho Adnan Beganovic vhe vha bvukulula uri Phakamani Mahlambi u khou gudiswa na thimu yawe.
“Ndi mutambi a mangadzaho a re na vhukoni vhu mangadzaho,” Beganovic o amba nga ha Mahlambi zwenezwino.
“Ro dzhia tsheo na mudzulatshidulo we a ri humbela uri ri lingedze u mu sukumedzela murahu kha bola ya milenzhe.
“Ndi vhona unga o fanelwa nga tshikhala tsha vhuvhili nahone ro takala u wana tshikhala tsha u mu thusa kha zwenezwo.
“Fhedzi zwothe zwi kha ene, u tea u sukumedza na u khwinisa.U bva kha zwe nda zwi vhona khae u swika zwino, u khou toda tshikhala hetshi.
“U khou lingedza, u khou shuma nga maanda. Fhedzi ri fanela u mufha tshifhinga. A zwo ngo leluwa, ndi a zwidivha uri u khou lwa duvha linwe na linwe.”
Mahlambi o thoma mushumo wawe wa vhuphurofeshinaḽa kha Bidvest Wits, nga murahu a ya kha Al Ahly na Mamelodi Sundowns. O dovha a tamba kha tshigwada tsha Chippa United.
- VHA RI WANA KHA FACEBOOK| Mitamboyashu.co.za
Beganovic o amba uri u pfesesa nyimele ya Mahlambi na uri ndi ngani a tshi khou shuma nga maanḓa u vhuyelela kha bola ya milenzhe.
O pfa Mahlambi a tshi zwi ḓivha uri a nga vha na zwoṱhe zwe a vha e nazwo kale arali a shumisa tshikhala itshi tshe a ṋewa tshone.
“O vha e na zwothe. O vha a tshi khou tamba kha kilabu khulwanesa hu si kha shango fhedzi fhedzi na kha Afrika, nahone nga murahu a xelelwa nga zwothe. Zwino u khou thoma mathomoni.
“A zwi na ndavha uri u wa lungana, fhedzi zwine zwa vha zwa ndeme ndi uri u lingedza hani u vuwa wa lwela zwithu zwe wa xelelwa ngazwo.
- VHALANI HAFHU: AmaZulu yo wana mbuelo nga u saina vhatambi vhaswa
“Ndi ngazwo ndi tshi pfa uri o tewa nga tshikhala tsha vhuvhili nahone ndi fulufhela uri a nga khwinisa muvhili na vhuṱali.”
