Riverio o khoḓa u pfulutshela ha Nkota ngei Saudi Arabia

Vho-Jose Riveiro vho talutshedza u ṱuwa ha Mohau Nkota kha Saudi Arabia hu songo lavhelelwa sa tshithu tshi mangadzaho na u ṱuwa havhuḓi hu si kha mutambi fhedzi fhedzi na kha PSL.

Mugudisi wa kale wa Orlando Pirates u tenda uri u ṱuwa ha Nkota zwi nga vula miṋango kha vhaṅwe vhatambi kha ligi ya Saudi.

Mohau Nkota o ṱutshela Pirates mafheloni a khalanwaha yo fhiraho, nga murahu ha miṅwedzi i si gathi musi Jose Riveiro o mu ḓivhadza kha thimu ya vhahulwane.

Musi vha tshi khou amba kha mbekanyamushumo ya mitambo ya Metro FM yo ṱanḓavhudzwaho na Andile ino vhege, Vho-Riverio vhari a vho ngo mangala musi vha tshi pfa nga ha u ṱuwa hawe.

“Hai, hu si nga  u ralo”oralo musi a tshi vhudziswa uri o mangala naa. “Ndi zwavhudi khae, ndi zwavhudi kha ligi.”

Riverio u fhabo lwa tshifhinga tshiṱuku sa mueni o khetheaho kha mutambo wa u fhedzisela wa Carling Knockout nga ḽa 6 Nyendavhusiku.

• VHA RI WANA KHA FACEBOOK| Mitamboyashu.co.za

“Ndi vhona u nga u rengisa vhatambi vhaswa ndi zwithu zwine zwa ḓo vhuedza muṅwe na muṅwe tshifhingani tshi ḓaho.”

Jose Riveiro o tenda, naho zwo ralo, uri u ṱuwa ha Mohau Nkota ho vha hu songo lavhelelwa sa izwi a sa athu tamba kha Betway Premiership lwa tshifhinga tshilapfu nga u ralo.

“Mohau o tamba tshifhinga tshiṱuku kha ligi – ndi humbula uri ho vha hu miṅwedzi ya rathi kana ya sumbe. Ndi khomu fhululedza.

“Ndi dovha nda takalela ligi, na thimu. A thi vhoni u nga ndi ene talente ya u fhedzisela u ṱuwa.

“Zwi dzulela u bveledza ṱhoḓea musi u tshi amba nga u ralo, fhedzi u ṱuwa ha mutambi zwi vula tshikhala tsha mutambi a tevhelaho kha thimu.”

Musi hu tshi khou ambiwa uri munwe na munwe o vha a tshi do humbula uri Relebohile Mofokeng ndi ene wa u thoma u ya mashangoni a nnḓa, Riverio o vha e na phindulo pfufhi.

• VHALANI HAFHU: Caf yo imisa Mukoko o nga ṅwambo wa u ṱhasela vha Bucs

“Ee, nga ndila ine ya vha ngayo… Fhedzi ni a zwidivha uri bola ya milenzhe a i lavhelelwi nahone zwithu zwinzhi zwi a itea kha u fhiriselwa ha vhatambi. Zwothe zwi itea musi tshifhinga tsho teaho tshi tshi swika,”