Rivero o amba zwine zwa ita uri Mbokazi a vhe o khetheaho
Mbekezeli Mbokazi ndi mutambi wa maimo a nṱha, nahone u na khonadzeo ya u ya kule kha bola ya milenzhe.
Hezwi zwo bviselwa khagala nga mugudisi wawe wa kale Vho-Jose Riveiro.
Mugudisi wa kale wa Orlando pirates vhari Mbekezeli Mbokazi u na zwiitisi zwothe zwa u vha mutambi ane a divhea lifhasini lothe.
O amba uri a zwo ngo fanela u mu dzhiela tshifhinga tshilapfu uri a wane tshikhala tshawe mashangoni a nnḓa.
Rivero ndi ene we a takusa Mbokazi kha thimu khulwane nga tshifhinga tshawe kha Pirates, nahone o vha a tshi dzulela u tenda uri u na vhumatshelo vhuhulwane phanḓa hawe.
Zwino ino vhege, musi vha tshi khou amba kha nyambedzano ya radio, Vho-Rivero vho amba uri Mbokazi vha na mavhonele, vhukoni na fulufhelo ḽa u bvelela kha vhuimo ha nṱhesa.
“U na khonadzeo,” ho amba Rivero, we a vhuya Afrika Tshipembe sa mueni wa Carling Black Label phanḓa ha mutambo wa u fhedzisela wa Carling Knockout.
“Kha bola ya milenzhe, a u sokou bvelela nga vhukoni hau, u fanela u vha na vhukoni ha u sumbedza vhukoni honoho nga fhasi ha mutsiko.
“U fanela u sumbedza vhukoni hau kha luvhanḓe tshihulwane hune vhathu vhoṱhe vha khou u ṱalela.
“Arali vhatambi vho khethea, ndi ngauri vha na vhukoni ha u ita zwenezwo.
“Mbokazi ndi mutambi wa lushaka lwonolwo.U na zwiitisi zwoṱhe zwa u vha mutambi wa nṱha nahone bola i ṱhohoni yawe.
“U dovha a vha na vhukoni ha u sumbedza vhukoni hawe nga u ḓikukumusa fhedzi nga nḓila yo teaho ya u ḓiṱahisa phanḓa ha vhathu vhanzhi.”
- VHALANI HAFHU : Mahlambi o wana tshinwe tshikhala kha kilabu ya Premiership
Nga tshifhinga tshiṱuku, Mbekezeli Mbokazi o no vha muraḓo a fulufhedzeaho wa thimu ya Bafana Bafana ya Hugo Broos.
A zwi timatimisi uri ndi muṅwe wa vhatambi vhane mugudisi a ḓo ṱuwa navho musi a tshi ya kha Caf Africa Cup of Nations ngei Morocco nga ṅwedzi wa Nyendavhusiku.
