Khamphani ya Joburg i ṱoḓa mikovhe ya Chiefs ya Bobby Motaung

Mulanguli wa thimu ya Kaizer Chiefs Vho-Bobby Motaung vha khou sedzana na khonadzeo ya u dzhielwa thundu yavho nga murahu ha musi vho kundelwa u badela khamphani ya Johannesburg tshelede i fhiraho R4.5 million.

Pent Up Investment CC yo ṋetshedza maṅwalo Khothe Khulwane ya Johannesburg, i tshi ṱoḓa uri ifa ḽa Motaung ḽi dzhiiwe.

 Khamphani i ṱoḓa mufarisi a tshi ṱoḓisisa thundu dza Motaung, hu tshi katelwa na mikovhe yawe kha Kaizer Chiefs, ye ya vha yo no nambatedzwa luthihi nga 2010.

U ya nga afidavithi yo aniwaho nga muhulwane wa Pent Up Investment Vho Costas Couremetis,

Khakhathi iyi yo thoma kha thendelano ya thundu ya 2009. Vho-Motaung vho vha vho tenda u renga nnḓu ya zwa vhubindudzi ngei Mondeor, Johannesburg, nga R9 miḽioni.

 Thengiso yo vha vhukati ha khamphani yawe, Lakeshore Trading 224, na Vhubindudzi ha Pent Up.

Hu pfi Motaung o kundelwa u badela tshelede yoṱhe, zwa ita uri khothe i dzhie tsheo nga ṅwedzi wa Lambamai 2009 ya mu laedza uri a badele tshikolodo.

 Miṅwahani ya 14 yo fhiraho, ho vha na miṱangano yo vhalaho na mbadelo dza tshipiḓa.

 U swika zwino, Motaung o no badela R6 miḽioni.

Fhedzi-ha, Vho-Couremetis vhari u bva nga Ṱhangule 2024, Motaung u kha ḓi koloda masheleni a fhiraho R4.3 miḽioni.

 O pomoka Motaung uri u khou tshila vhutshilo ha vhuimo ha nṱha ngeno a sa ṱhogomeli tshikolodo.

Couremetis o ri: “U reila Bentley, u dzula Houghton, u ambara zwiambaro zwi ḓuraho na watshi, naho zwo ralo ha koni u badela tshenetshi tshikolodo tsha kale.”

Vho engedza nga uri Motaung o shumisa tshelede yawe u badela vhaṅwe vhakolodisi nṱhani hazwo, zwine zwa vha nyito ya u sa kona u badela.

U tenda uri thundu dza Motaung dzi fhira kule zwikolodo zwawe fhedzi u ri hu fanela u tholwa mufarisi wa thundu uri a fhelise thundu na u badela zwine zwa kolodwa.

Naho zwo ralo, Motaung u amba uri mafhungo o tandululwa miṅwahani yo fhiraho nahone o landula khumbelo ya zwino sa “mafhungo a kale.”

Couremetis o kombetshedza uri mafhungo a u fhungudzea ha masheleni a Motaung a bva kha khetho dzi si dzavhuḓi dza masheleni na matshilo a vhuimo ha nṱha.

 Arali a dzhielwa thundu, u ḓo xelelwa nga vhukoni ha u vhea vhakolodisi phanḓa nahone,

• VHALANI HAFHU:Muhulwane wa Pirates u do nanga munwe mugudisi wa Spain?

 A nga vhona thundu dzawe nnzhi, hu tshi katelwa na tshipiḓa tshawe kha Kaizer Chiefs, dzi tshi rengiswa u itela u wana masheleni o salaho.

Translated by Nthaduleni Rolivhuwa