Siyanda Zwane o ṱalusa vhudzivha ha vhukoni ha Sipho Mbule
Mutambi wa kale wa Mamelodi Sundowns Siyanda Zwane o bva na khaedu kha Sipho “Masterchef” Mbule.
Musi vha tshi khou amba kha TikTok, Zwane – we a wina Ḽigi ya Vhahali vha Caf ya 2016 na Sundowns – o ṱuṱuwedza Masterchef uri a ṱanganedze “vhuṱungu ha mushumo wo engedzeaho”.
Zwane u tenda uri hezwi zwi do thusa ṋaledzi ya Orlando Pirates u gonya kha vhuimo ha nṱhesa vhukuma u fhira hune a vha hone zwa zwino.
U tenda uri huna vhukoni vhuhulwane ho fashwaho nga ngomu ha Mbule vhune ha kha di do bvelela u thusa Pirates na thimu ya lushaka.
Muthannga ane a vha mulanguli muhulwane kha Mangethe Foundation ha ngo dzumba vhuḓipfi hawe nga ha mutambi uyu.
“Ndo vha ndi si mutambi wavhuḓi vhukuma. Muṅwe na muṅwe we nda tamba nae na u mu vhona nga tshifhinga tshanga u a zwi ḓivha uri…
“Fhedzi ho vha na tshithu tshithihi tshe tsha nthusa uri ndi bvelele – u shuma nga maanḓa,” Zwane o ralo.
“U kha tshiimo tsha khwine vhukuma u fhira nne ngauri u na vhukoni ha bola ya milenzhe. Hu na mutambi nga ngomu hau o lindelaho uri u mu vhofholole.”
Siyanda Zwane o mbo di itela khaedu Sipho Mbule uri a sedze tshiimo tsha muvhili wawe.
O amba uri u fanela u ḓivhudzisa uri ndi ngani mutambi wa vhukati a tshi anzela u tambula nga u fhedza mimunithi ya 90 mudavhini.
“Ḓivhudziseni uri ndi ngani ni tshi dzulela u dzhielwa vhudzulo nga murahu ha mimunithi ya 60 kana u fhira?,” Zwane o engedza .
“Arali ni sa koni u ḓi-phusha, wanani muthu ane a ḓo ni thusa nga u ḓilaya ho engedzeaho nga inwi muṋe.
“U ḓigudisa mimunithi ya 30 fhedzi yo engedzeaho nga iwe muṋe zwi nga ita uri hu vhe na phambano khulwane.
“Arali na kona u lugisa hezwi, vhukuma ni ḓo vha ni kha bufho la (Bafana) la u ya kha Tshiphuga tsha Ḽifhasi (nga Fulwi).”
Siyanda Zwane o phetha nga u ombedzela uri mulaedza wawe u bva fhethu ha lufuno na lutamo lwa u vhona Sipho Mbule “a sa thivhelei” mudavhini.
