Chabangu o tenda tsheo ‘i ṱungufhadzaho’ ya u kuna
Mutambi wa kale wa bola ya milenzhe ya Afrika Tshipembe, Lerato “Ace” Chabangu u vhumba hafhu vhutshilo hawe.
Munna wa minwaha ya 39 o vula nga ha nndwa yawe na vhudakwa na lwendo lwawe lwa u di vhofholola kha tshikwekwe.
Lerato Chabangu o tamba kha kilabu dza ntha u fana na Mamelodi Sundowns, SuperSport United, na Moroka Swallows nga tshifhinga tshawe.
Fhedzi nga murahu ha u lenga mabutsu awe, o mbo ḓi vha na dzema, nahone a fhedza nga thaidzo ya u nwa halwa lwo kalulaho.
Nga ḽa 8 Luhuhi ṋaṅwaha, vho dzhena Sentharani ya Mvusuludzo ya Hope of Achievers ngei Limpopo.
Ho vha hu si tsheo yo leluwaho. “Ndo zwi limuwa uri ndi fanela u lugisa vhutshilo hanga,” u ralo kha TimesLIVE.
Chabangu o mbo ḓi kwamiwa nga NRKL Foundation, dzangano ḽi sa shumeli mbuelo, ḽe ḽa ḓiṋekedza u mu thusa.
O humbula duvha le a bva hayani u thoma lwendo lwawe lwa u shandula vhutshilo hawe, nahone u vhu talutshedza sa vhu ṱungufhadzaho.
O vha a tshi fanela u ṱuwa nga murahu ha u vhulunga shaka ḽawe.
Naho zwo ralo, o vha a tshi zwi ḓivha uri ndi tshifhinga tsha uri a shanduke.
Zwino, nga murahu ha miṅwedzi miṋa, Lerato Chabangu u khou guda zwikili zwa ndeme zwa vhutshilo.
Zwenezwi zwi katela u vha na vhuḓifhinduleli, u ḓifara, na nḓila ya u langa mutsiko na ḓora ḽawe ḽa halwa.
O zwi ḓivha uri khaedu ya vhukuma i ḓo ḓa nga murahu ha musi o no bva kha tshiimiswa o no vhuyelela kha tshitshavha, Chabangu u na fulufhelo.
“Zwoṱhe zwo luga zwa zwino. Zwino a hu athu fhela tshifhinga tshilapfu ndi sa athu u bva tshifhaṱoni,” o bvela phanḓa.
Zwazwino u khou ita khoso dza u gudisa nahone u na fulufhelo ḽa u vhuyelela kha bola ya milenzhe u itela u thusa vhatambi vhaṱuku.
Vho-Chabangu vho livhuwa NRKL Foundation, tshigwada tsha u vusuludza, na khonani dza tsini dze dza vha tikedza.
“A vha ngo nṱutshela kule… Sapoto yavho i mpha maanḓa.”
Mulaedza wawe kha vhaṅwe vho sedzanaho na vhuleme vhu fanaho:
- VHALANI HAFHU: Kaizer Chiefs yo khwathisedza u tuwa ha muthu wa vhuraru
“Ni songo fhela mbilu. Dzulani ni na mavhonele avhuḓi nahone ni humbele thuso.”
Translated by Nthaduleni Rolivhuwa
