Mukapuṱeni a tevhelaho wa Orlando Pirates
Thimu ya Orlando Pirates yo laela mutambi wayo we a shuma lwa tshifhinga tshilapfu Innocent Maela.
Vho Benedict Vilakazi vho ṋea dzina ḽa a tevhelaho vhuimoni ha innocent.
Mutambi wa kale wa Orlando Pirates Vho-Benedict ‘Tso’ Vilakazi vho ṱanganela kha nyambedzano nga ha mulangi a tevhelaho wa tshigwada tsha Buccaneers.
Vha Soweto giants vha fhandekana na Innocent Maela nga murahu ha musi mutsireledzi o bebwaho Wibank o vha navho lwa khalanwaha tharu.
U ya nga Vho-Vilakazi, mutsireledzi wa Bafana Bafana Vho-Nkosinathi Sibisi ndi ene muḽaifa wa mvelo wa vhurangaphanḓa ha Vho-Maela kha thimu ya Orlando Pirates.
NKOSINATHI SIBISI NDI ENE ENE .
“Naho zwi tshi ntshuwisa uri ndi ngani Pirates i tshi dzulela u vhofholola vhakapuṱeni vhayo, fhedzi ndi tenda uri Nkosinathi Sibisi u ḓo vha muthu o lugelaho ane a ḓo dzhiela Maela vhudzulo,” Vilakazi o vhudza KickOff.
“Fhedzi zwo vha zwi tshi tou vha mafhungo a tshifhinga kha Maela ngauri vho vha vha sa tsha mu shumisa.
“Fhedzi Nkosinathi Sibisi o aluwa, o khwiṋiswa vhukuma. Sedzani uri o kona hani u livhisa vhatambi vha ngaho Thabiso Sesane na vhaṅwe vhatambi avha vhoṱhe vhe vha mu wana henefho Orlando Pirates..
“Sedzani uri Mbekezeli Mbokazi u khou tshila hani nga fhasi ha vhulivhisi ha Sibisi. Izwo zwi sumbedza pfaneleo dza Sibisi sa murangaphanḓa.
“U vha murangaphanḓa wavhuḓi kana mukapuṱeni wa kilabu khulwane sa Orlando Pirates ndi zwithu zwine na fanela u vha nazwo nga ngomu haṋu.
“Ni nga vha kha bola ya milenzhe ya phurofeshinaḽa lwa miṅwaha, fhedzi ni kha ḓi shaya vhukoni ha vhurangaphanḓa.
- VHALANI HAFHU:Kaizer Chiefs i khou ṱoḓa Sipho Mbule’ hu amba Moagi
“Arali Sibisi a siho, Sipho Chaine u tea u dzhia armband sa vhunga na ene o sumbedza nyaluwo. Vhatambi vho raloho ndi muloro wa kilabu inwe na inwe,” Vilakazi o phetha.
Translated by Nthaduleni Rolivhuwa
