Kaizer Chiefs i khou ṱoḓa Sipho Mbule’ hu amba Moagi

Mutikedzi wa bvumo wa Kaizer Chiefs, Moshikaro Moagi, o humbela tshigwada uri tshi saine mutambi wa Mamelodi Sundowns, Sipho Mbule.

Ndi mbudziso khulwanesa ya vhege kha vhatikedzi vha Kaizer Chiefs u mona na Mzansi.

Kilaba i tea u saina Sipho Mbule kana hai?

Moshikaro Moagi, mutikedzi wa bvumo wa Amakhosi we a fulufhedzisa u tshimbila hayani u bva tshitediamu tsha FNB u ya Tzaneen,

Arali Kaizer Chiefs ya kundwa nga Mamelodi Sundowns kha khalanwaha yo fhiraho, o amba uri Mbule wa miṅwaha ya 27 u fanela u ambara musuku na mutsu kha khalanwaha i ḓaho.

Mutambi wa vhukati o bebwaho Bethlehem ndi mutambi asa khou itaho tshithu nga murahu ha musi vhahali vha Betway Premiership vha 2024/25 vho vhofhololwa nga ṅwambo wa u sa ḓifara zwavhuḓi kha halwa.

Mutambi wa kale wa Kaizer Chiefs o nangiwa sa mutambi wa khwine kha shango la SA

SIPHO MBULE KHA KAIZER CHIEFS

“Sipho Mbule ndi mutambi wavhudi, naho o vha na maṅwe mafhungo nnḓa ha mudavhi.Tshiṅwe tshifhinga, tshanduko ya vhupo i nga ita uri hu vhe na tshanduko kha vhuḓifari,” Moagi o vhudza KickOff.

“Arali a fhiwa tshikhala, a nga ḓi sumbedza. Ndi mutambi wa milenzhe a re na vhukoni, ngauralo ndi tenda uri u fanela u ṋewa tshikhala.

“ Arali na sedza nḓila ine a tamba ngayo, musi Kaizer Chiefs i tshi ṱangana na Sipho Mbule, u dzulela u vhea nndwa yo khwaṱhaho. Izwo fhedzi zwi nga sumbedza hune lufuno lwawe lwa vha hone.

“O vha e mutambi o bvelelaho kha Sekhukhune United kha ino khalanwaha.Na kilabu yawe ya  Mamelodi Sundowns,

 “I vhonala i tshi khou timatima u sedzana nae, ndi ngazwo vho katela tshipiḓa tshine tsha mu thivhela u tamba navho.

“Ngoho hu na vhuimo ha Mbule kha Kaizer Chiefs, sa izwi zwa zwino ri tshi shaya vhatambi vha re na tshenzhemo.

“Vhunzhi ha vhaṅwe vhatambi a vha lingani na vhuimo hawe kha Chiefs; u bvela phanḓa vhukuma.

• VHALANI HAFHU:Kiḽaba ya Tanzania yo amba mutengo kha tshipikwa tsha Chiefs

“Mutambi ane nda sa mu themendele uri a saine ndi Rivaldo Coetzee. A thi na vhuṱanzi ha uri ri a mu ṱoḓa kha Chiefs, naho zwa zwino e free agent,” Moagi o phetha nga u ralo .

Translated by Nthaduleni Rolivhuwa