Tshigwada Tsha Qatar SC Tsho fhandekana Na Percy Tau!
Percy Tau o fhedza miṅwedzi ya rathi fhedzi kha Qatar SC, nahone zwino u ḓo tea u thoma u ṱoḓa kilabu ntswa nga murahu ha musi o vhofhololwa.
Mutambi wa Bafana Bafana Percy Tau zwino ndi mutambi a re hone nga murahu ha musi o vhofhololwa nga tshigwada tsha Qatar tsha Qatar SC
Qatar SC yo ḓivhadza u ṱuwa ha muṱhaseli o bebwaho Witbank kha dzipulatifomo dzavho dza nyanḓadzamafhungo ya matshilisano nga Ḽavhuṋa.
Tau o vha o dzhena kha Qatar SC a tshi bva kha Al Ahly mathomoni a 2025, fhedzi zwino u khou ḓi wana a si na tshigwada.
Mutambi wa minwaha ya 31 wa Afrika Tshipembe u bva kha Qatar SC nga murahu ha u kundelwa u kora kha mitambo ya 10 ya muṱaṱisano ye a i tamba.
Fhedzi Tau o ita mushumo (u ṋea thuso) kha zwikoro zwiṋa zwo dzheniswaho nga Qatar kha mitambo yeneyo ya 10.
Nga u fulufhedzea hoṱhe, Tau o vha na tshifhinga tshavhuḓi na Al Ahly he a kora zwikoro zwa 30 na u ṋea thuso dza 14 kha mitambo ya 126.
Musi a sa athu ṱuwa kha Mamelodi Sundowns, Tau o vha o no kora zwikoro zwa 24 na u thusa vhatambi vha 27 kha mitambo ya 103.
- VHALANI HAFHU:Chabangu o tenda tsheo ‘i ṱungufhadzaho’ ya u kuna
Tau ndi kale Afurika Tshipembe, nahone o vha e tshitediamu tsha Orlando musi Orlando Pirates i tshi tamba na Magesi FC vhege yo fhiraho.
Translated by Nthaduleni Rolivhuwa
