Kaizer Chiefs yo khwathisedza u tuwa ha muthu wa vhuraru
Kaizer Chiefs yo khwathisedza u ṱuwa ha Ranga Chivaviro, zwine zwa ita uri a vhe mutambi wa vhuraru u ṱuwa lwa tshiofisi kha ino khalanwaha.
Mutambi wa burly striker ha nga do vusuludzwa thendelano yawe musi i tshi fhela mafheloni a nwedzi wa Fulwi.
Vha Chiefs vho ita nḓivhadzo iyi nga Ḽavhuraru nga masiari nga kha tshitatamennde tsha tshiofisi.
“Kaizer Chiefs a i nga ḓo engedza thendelano ya mutambi wa phanḓa Ranga Chivaviro musi i tshi fhela mafheloni a ṅwedzi,” ho vhaliwa kha tshitatamennde.
Chivaviro o dzhena kha Chiefs a tshi bva kha Marumo Gallants phanḓa ha khalanwaha ya 2023/24.
O saina thendelano ya miṅwaha mivhili na tshigwada tsha Naturena.
Musi zwo ṱangana, mutambi wa phanḓa o bebwaho Limpopo o tamba mitambo ya 45 ya tshiofisi, a kora zwikoro zwa ṱahe na u ṅwalisa thuso nthihi kha miṅwaha yawe mivhili kha kilabu.
“Ri livhuwa Ranga kha u shela mulenzhe hawe havhuḓi kha thimu na u mu tamela mashudu kha zwine a ḓo zwi ita tshifhingani tshi ḓaho,” ho engedza tshigwada.
U bva hawe zwi tevhela u ṱuwa ha kale ha Njabulo Blom na Sabelo Radebe.
Blom, we a fhedza khalanwaha o hadzimiwa kha St. Louis SC kha ḽa United States, o vhuyelela kha kilabu yawe ya mubebi.
Mutambi wa vhukati o ḓa nga kha akhademi ya vhaswa ya Kaizer Chiefs nahone o vhuya a vhonala sa tshipiḓa tsha ndeme tsha vhumatshelo ha kilabu.
Sabelo Radebe we a vha o loan kha Richards Bay FC na ene o vhofhololwa musi a tshi vhuya.
Mutambi wa vhukati o kundelwa u dzhena kha tshigwada tsha thimu khulwane nga u sa fhambana.
Zwiṅwe hafhu, vhatambi vhavhili vha thimu ya reserve na vhone vho no bvela phanḓa.
U bva tsheetsho vho dzhena kha TS Galaxy nga murahu ha u kundelwa u wana ṱhuṱhuwedzo kha tshigwada tsha vhahulwane ngei Amakhosi.
Vha Soweto giants vha khou lavhelelwa u isa phanda na u vhumba tshigwada tshavho nga tshifhinga tsha uvala musi vha tshi khou lugisela ndima ntswa.
Musi vhatikedzi vha tshi khou toda mvelelo, tshanduko dzi khou bvelela kha Naturena.
• VHALANI HAFHU:Van Rooyen upfhao huliswa nga u nangwa kha Bafana
Hu na khonadzeo ya u ṱuwa ha vhatambi vhanzhi musi Chiefs i tshi khou ṱoḓa u fhaṱa hafhu na u itela khaedu ya silverware kha khalanwaha i ḓaho.
Translated by Nthaduleni rolivhuwa
