Jose Riveiro o dzumbulula tshiitisi tsha u ṱutshele Pirates?
Sa vhunga vho wina zwiphuga zwitanu na Pirates, Jose Riveiro o ṱuwa musi thendelano yawe i sa athu fhela a dzhena kha Al Ahly fhedzi tshiitisi tsha vhukuma ndi tshifhio?
Mathomoni a uno nwaha, Jose Riveiro o posa bomo musi a tshi divhadza uri ha nga engedzi tshifhinga tsha u dzula musi thendelano yawe kha Orlando Pirates i tshi fhela.
Nga tshifhinga tshe a ita nḓivhadzo, Buccaneers yo vha yo ḓiimisela zwavhuḓi u wina zwiphuga zwivhili,
Fhedzi fomo i si yavhuḓi yo ita uri thimu i fhedze nga MTN8 fhedzi, ye vha i wina mathomoni a khalanwaha.
Nga murahu ha u kundwa kha mutambo wa u fhedzisela wa Nedbank Cup nga dzi 10 dza Lambamai,
Jose Riveiro o humbela vhalanguli vha Pirates uri vha mu bvise hu tshe na tshifhinga sa izwi o vha o no saina na tshigwada tshiswa.
Nga hetsho tshifhinga, Sea Robbers yo vha i si na tshithu tshine ya nga tamba ngatsho ngauri ligi yo vha i tshi vho vha nnḓa ha hune ya nga swikelelea hone.
MuSpain o wina zwiphuga zwiṱanu kha miṅwaha miraru nahone naho vhunzhi ha vhagudisi vha tshi ḓo ṱoḓa u bvela phanḓa na u wina,
Riveiro o nanga u ṱuwa. O ita ngeletshedzo ṅwaha wo fhiraho musi a tshi amba uri u kule hani na muṱa wawe.
- Vha nga ri wana kha facebook| facebook.com/profile.php
U dzhena kha Al Ahly, munna minwaha ya 49 o dzumbulula uri muloro wa mufumakadzi wawe ndi u dzula Egypt sa izwi a tshi funa mvelele.
“Ndo mala nahone ndi na ṅwananyana wa miṅwaha ya 6, nahone ndo takala vhukuma uri ndi tshipiḓa tsha vhutshilo hanga,” o vhudza Al Ahly TV.
“[Ndo] takala uri u ḓo vha na tshibuli tsha u ḓa a dzula Egipita.
Riveiro o phetha nga u ri: “Mufumakadzi wanga u funa Egipita nahone u gwadamela mvelele ya Egipita, na khotsi awe vho vha vha tshi shuma Egipita.”
Jose Riveiro o vha a tshi nga vha o bvelela kha Pirates, fhedzi tshifhinga tsha u vha kule na muṱa wawe tsho mu dzhia.
Nga ṅwambo wa uri Egypt ḽi tsini vhukuma na Spain, zwi a pfala uri ndi ngani o dzhia phetho ya u pfulutshela na u gudisa AI Ahly.
- VHALANI HAFHU:Tshigwada Tsha Qatar SC Tsho fhandekana Na Percy Tau!
Lufuno lwa mufumakadzi wawe kha Egypt lwo ita uri tsheo yawe ya u ṱutshela Pirates i leluwe.
Translated by Nthaduleni Rolivhuwa
