Hugo Broos o sinyuswa nga ṋaledzi ya Pirates

Mugudisi wa Bafana Bafana Hugo Broos u khou sinyuwa nga murahu ha musi munwe wa vhatambi vhawe o kundelwa u ḓa kha gammbani musi o vha a tshi fanela u ḓa.

Bafana yo thoma mutambo wayo wa u gudisa mitambo ya Caf Africa Cup of Nations (Afcon) ino vhege nahone vhatambi vha Pirates vho ṋewa ḓuvha ḽa u awela ḽo engedzeaho.

Musi vhanwe vhatambi vha tshi khou tea u swika gammbani nga Musumbuluwo, vhanwe vha Pirates vho vha vha tshi khou tea u swika nga Lavhuraru.

Hezwi ndi ngauri vho fhiwa maduvha a u awela ubva tshe vha tamba mutambo u konḓaho wa Carling Knockout mafheloni a vhege o fhiraho.

Zwe zwa sinyusa Hugo Broos ndi u lenga  u swika ha Mbekezeli Mbokazi sa izwi o vha o siiwa nga bufho ḽe a vha a tshi khou tea u vha khaḽo.

Bufho lo vha tshi tshi khou bva Durban tshi tshi khou ya Johannesburg. Vho-Hugo Broos vho bvisela khagala hezwi kha vhoramafhungo nga Ḽavhuraru, vha tshi ri nyimele a i khou tshimbila zwavhuḓi.

“Mbokazi u kha ḓi tou bva u swika, kana khamusi kha mimunithi ya 15 i tevhelaho,” ho amba Broos.

“Ndo vha ndi sa kho toda u amba nga hazwo fhedzi sa vhunga no vhudzisa, ndi kho tea u ni divhadza uri a thi ngo takala nga hazwo.

“O ri ḓivhadza mulovha (Ḽavhuvhili) uri o sala murahu Durban nahone ndi mugudisi wa Pirates we a mmbudza zwenezwo. .

“O dovha a sinyuswa nga uri o sala murahu ngauri, u ya nga ene, ‘hezwi zwi sumbedza u sa ṱhonifha mushumo wawe’.”

Mbokazi ndi munwe wa vhatambi we a vha murado ane a fulufhelwa kha Bafana nahone u khou lavhelelwa u vha mutambi wa ndeme kha tournament ine ya khou farelwa Morocco.

• VHALANI HAFHU: Baloyi o bvukulula zwine Chiefs ya khaḓi shaya zwone

Hu khou tendiwa uri o tendelwa u ya hayani lwa maduvha a si gathi sa izwi a tshi do ya US nga murahu ha Afcon hune a do dzhena kha Chicago Fire.