Mutambi wa Sundowns o wana hafu ya million nga duvha lithihi

Mutambi wa Sundowns o wana hafu ya million nga duvha lithihi. 

Mutambi wa Mamelodi Sundowns Lucas Ribeiro Costa ndi ene muwini muhulwane kha pfufho dza ligi ya bola ya milenzhe ya 2024/25 PSL ino vhege.

Nga murahu ha khalanwaha ya ṋaledzi kha mivhala ya Mamelodi Sundowns, Ribeiro o ṱuwa na pfufho nṋa khulwane dza muthu nga eṱhe. 

Hu tshi katelwa na tshiphuga tshine tsha funeswa tsha Mutambi wa Bola ya Milenzhe wa Khalanwaha.

Nga tshifhinga tsha khalanwaha, Ribeiro o dzhia zwikoro zwa 21 na u thusa vhatambi vha 14 kha miṱaṱisano yoṱhe.

Kha ligi, o fhedza nga u kora zwikoro zwa 16 kha mitambo ya 26, zwa ita uri ṋaledzi ya Sundowns i wane tshienda tsha musuku tsha Lesley Manyathela sa mutambi wa nṱhesa kha Betway Premiership.

Nga ṅwambo wa u tamba hawe havhuḓi, Ribeiro o wana tshelede ya pfufho ya R550,000 yo ṱanganaho u bva kha PSL. 

Kha ri sedze nga vhuronwane pfufho dzawe na u fhandekana ha tshelede ya pfufho:

Mutambi wa bola ya milenzhe wa khalanwaha – R250,000

 Mutambi wa Khalanwaha – R200,000

Tshipikwa tsha Khalanwaha – R50,000

(Mutambi wa Nṱha) – R50,000

Pfufho yoṱhe: R550,000.

• Vhalani hafhu : Sundowns i  ṱoḓa u saina mutambi wa kale wa Chiefs

Translated by Nthaduleni Rolivhuwa