Ee, ri na dzangalelo kha Zakhele Lepasa’ – kiḽaba ya PSL
‘Ee, ri na dzangalelo kha Zakhele Lepasa’ – mudzulatshidulo wa kiḽaba ya PSL
Zwazwino Zakhele Lepasa o vhofholowa ga murahu ha musi o fhambana na Orlando pirates.
Mutambi uyu wa minwaha ya 28 o vha a tshi khou tamba na dzi kilabu nnzhi dza PSL.
Mudzulatshidulo wa thimu ya Durban City Vho-Farook Kadodia vho khwathisedza uri tshigwada tshi na dzangalelo kha mutambi wa kale wa Orlando Pirates Zakhele Lepasa.
Mutambi uyu wa minwaha ya 28 o vha e munwe wa vhatambi vha sumbe vhe vha vhofhololwa nga Buccaneers kha ino pre-season.
Nga murahu ha minwaha i ṱoḓaho u vha ya fumi-malo a tshi khou tamba na Pirates, zwino Lepasa u ḓo tea u ṱoḓa tshigwada tshiswa.
Zwa zwino u na tshigwada tsha Bafana Bafana phanḓa ha mutambo wa CHAN.
“Ee, ri na dzangalelo kha Zakhele Lepasa. Ndi mutambi wa khwine vhukuma ane a nga ri thusa vhukuma sa thimu.
” Ro amba na muimeleli wawe, nahone ro lindela uri a vhuye kha riṋe, nahone nga murahu ri ḓo zwi dzhia u bva henefho.
“Fhedzi zwa vhukuma, ri na dzangalelo khae nahone o no shuma na mugudisi Gavin Hunt kale u a mu ḓivha zwavhuḓi vhukuma,”
“Ndi a pfesesa uri hu na dziṅwe kilabu dzine na dzone dza vha na dzangalelo kha Zakhele Lepasa.
“Ni a zwi ḓivha kha bola ya milenzhe zwi ḓitika nga tshelede na uri ndi nnyi ane a ni ṋea tshelede ya khwine,
” nahone ri nga xelelwa ngae nga ṅwambo wa zwenezwo, fhedzi ri khou sedza kha u vha nae kha thimu arali ri tshi nga kona,” o phetha nga u ralo.
- Vhalani hafhu : Tshelede ya pfufho ya MTN8 yo engedzwa nga R2 million
Naho Durban City yo sumbedza dzangalelo, Zakhele Lepasa o dovha a ṱanganedzwa na tshigwada tshihulwane tsha Soweto tsha Kaizer Chiefs.
Translated by Nthaduleni Rolivhuwa
