Pirates i nga mu saina uri a ‘ ime tshiimoni tsha Hotto’

Orlando Pirates i ḓo ḓivhadza lwa tshiofisi muṅwe wa vhatambi vhayo vhaswa vhane vha khou lavhelelwa vhukuma – Reece UBraithwaite .

Kiḽaba yo tea u lindela nga u sa fhela mbilu u phetha mafhungo a mulayo a Cape Town Spurs kha muṅwe wa vhatambi vhayo.

Muswa wa Spurs Reece Braithwaite o fhedza o wana thendelo ya u dzhena kha tshigwada tsha Orlando pirates.

Hezwi zwi amba uri mutsireledzi ane a khou pfi u na vhukoni vhu sa tendisei u tsini na u dzhena kha Pirates lwa tshiofisi.

Reece Braithwaite ndi kale o lindela Buccaneers nahone zwi vhonala uri o no thoma u guda na thimu.

Buccaneers, naho zwo ralo, yo vha i sa koni u mu ḓivhadza hu tshi khou lindelwa thandululo ya khanedzano yawe na Spurs vhe vha vha vha tshi khou hanedza u saina hawe kha u fhiriselwa mahala.

Fhedzi hu pfi mafhungo aya zwino o no tandululwa hafhu, Spurs yo fhedza yo mufha vhurifhi vhune ha khou mu vhofholola uri a dzhene kha inwe kilabu.

Uya nga ha muvhigo wa SABC Sport Spurs yo dzhia tsheo ya u sa isa phanḓa na nndwa yayo ya mulayo nahone yo bvisa thendelo ya Braithwaite lwa tshiofisi.

Muvhigo u dovha wa amba uri Orlando Pirates i vhona mutambi uyu wa minwaha ya 20 sa ane a do fhedza o dzhia vhudzulo ha Deon Hotto.

Deon Hotto zwa zwino ndi ene mutambi wa murahu wa tsha monde ane a fulufhelwa kha tshigwada tsha Abdeslam Ouaddou nahone musi a tshi khou aluwa tshigwada tshi khou toda mutambi muswa.

Zwazwino u khou ṱaṱisana na Chieftain Ndaba nga ha vhuimo, ngeno Braithwaite a tshi ḓo engedza kha u ṱaṱisana sa huṅwe fhethu kha thimu.

Hotto, mudzulapo wa Namibia, u na miṅwaha ya 35 nahone u tsini na u ṱutshela mushumo.

• VHALANI HAFHU : Khuḓano vhukati ha Mohamed Salah wa Egipt na Slot i khou ṋaṋa

Hotto o dzhena kha Blues murahu nga 2020 a tshi bva kha bidvest wits. O tamba mitambo ya 233 kha tshigwada.