Nasreddine Nabi u kha ḓi vha kha Kaizer Chiefs na ino khalanwaha
Nasreddine Nabi u kha ḓi vha kha Kaizer Chiefs na ino khalanwaha
Tsheo ya u pandela mugudisi wa Kaizer Chiefs Nasraddine Nabi yo vha yo no dzhiiwa.
Fhedzi o tshidzwa nga u wina khapi ya Nedbank, zwe zwa shandula muhumbulo wa vhalanguli.
Nga mulandu wa tshipiḓa kha thendelano yawe – tshe tsha vha tshi tshi ṱoḓa uri a fhedze e kha vhuimo ha vhuraru kana ha nṱha kha ḽigi kana u wina tshiphuga – zwo vha zwi tshi konḓa uri a bviswe.
“O vha o no ṱuwa vhukuma. Tsheo yo vha yo no dzhiiwa, ndi ngazwo na zwino musi vha tshi vhudziswa nga hae, vha sa ḓi na phindulo yo livhaho,” ho amba tshisima.
Vho isa phanda na u amba uri Nasraddine Nabi u kha di vha fhasi ha mutsiko kha Kaizer Chiefs nahone u sa vha hone ha mvelaphanda i vhonalaho sa izwi khalaṅwaha i tshi kha di tou bva u thoma a zwi khou mu thusa.
Tshisima tshiri naho Toyota Cup i mutambo wa vhukonani wa pre-season, u kundwa khayo a zwo ngo tshimbila zwavhudi kha vhalanguli.
Uri zwo vhea mutsiko kha vhatikedzi sa izwi u kundwa ha Chiefs zwi tshi amba uri a hu tsha ḓo ambiwa nga ha Toyota Cup.
Chiefs yo kundwa nga thimu ya Ghana Asante Kotoko nga dzi penalty kha mutambo we wa vha wo ṱanganelwa nga vhathu vhanzhi vhukuma stadium tsha Moses Mabhida.
“Vhalanguli vha a timatima u saina vhatambi vhane vha vha takalela, arali vha mu litsha vha sala na vhatambi vhane vha sa divhe uri vha do ita mini mafheleloni…
“O fhiwa mitambo mitanu ya u thoma uri a vhone hune a khou livha hone. Arali a sa tou vha khagala nga hazwo, dzhesi i do ḓala muya.”
Chiefs yo fhedza khalanwaha i kha vhuimo ha vhufumi kha ligi ya Betway nga fhasi ha Nasraddine Nabi, we a dzhia vhuimo ha Cavin Johnson.
Vha do thoma fulo lavho la ligi nga dzi 3 dza Ṱhangule vha tshi tamba na Stellenbosch FC kha mutambo wa hayani une wa do vha mulingo u konḓaho kha thimu ya Nabi.
- Vhalani hafhu : Nabi o nanga mukapuṱeni muswa wa Amakhosi lwa tshiofisi
Mitambo mitanu ya u thoma ya Chiefs ndi heyi:
v Stellenbosch mudavhini wa Athlone doroboni ya Kapa
vs Ḓorobo ya Polokwane – Tshitediamu tsha FNB
vs Richards Bay – Tshitediamu tsha FNB
vs Mamelodi Sundowns – Loftus Versfeld
vs Misevhe ya Musuku – Tshitediamu tsha King Zwelithini
Translated by Nthaduleni Rolivhuwa
