Tshelede ya pfufho ya MTN8 yo engedzwa nga R2 million

Tshelede ya pfufho ya MTN8 yo engedzwa nga R2 million!

Hu ḓo vha na thimu dza malo dzine dza ḓo ṱaṱisana kha pfufho ya tshelede ya thonamennde ya u vula ya khalanwaha, MTN8, ine ya ḓo thoma mafheloni a vhege.

Vhawini vha MTN8 vha khalanwaha ya 2025-26 vha do pfuma nga R2 million nga murahu ha musi vhalambedzi vho engedza tshelede ya pfufho.

MTN yo tikedza thonamennde ya Premier League’s Top 8 u bva nga 2008 hune vhawini vha ṱuwa na R8 miḽioni ya tshelede ya pfufho.

Kaizer chiefs ndi yone ya u thoma u wina edishini ya u thoma ya MTN8 nga u kunda Mamelodi Sundowns kha mutambo wa u fhedzisela.

Fhedzi a vha athu u i wina ubva nga 2014, vhapikisi vhavho vhahulwane vha Orlando Pirates vho vha vha tshi khou vhusa kha khalaṅwaha tharu dzo fhelaho.

Pirates, yo no takula tshiphuga lwa khalaṅwaha tharu dzi tshi khou tevhekana, i do vha na tshiga tsha vhahali vha MTN8 kha jeresi yayo kha ino khalaṅwaha ine ya khou da.

Zwiṅwe hafhu, hu ḓo vha na muṋeelo kha tshiimiswa tsha u thusa vhashai wa R20 000 kha tshikoro tshiṅwe na tshiṅwe tsho koraho nga tshifhinga tsha thonamennde.

• Vhalani hafhu : Mutambi wa Sundowns o wana hafu ya million nga duvha lithihi

Mitambo, maḓuvha, fhethu na zwifhinga zwa u thoma zwoṱhe zwo khwaṱhisedzwa kha kotara ya vhufhelo ya MTN8 ya ino khalanwaha.

Translated by Nthaduleni Rolivhuwa