Sundowns i ṱoḓa u saina mutambi wa kale wa Chiefs
Mamelodi Sundowns i khou vala kha u saina mutambi wa Bafana Bafana ane a khou bvelela ane a itea uri a vhe mutambi wa kale wa Chiefs!
Mamelodi Sundowns yo vha yo fhumula nyana kha makete wa zwino wa u rengisa vhatambi.
Musi vhatambi vhanzhi vho no ṱuwa kha tshigwada, vha Brazil vho ṱanganedza fhedzi ṋaledzi ya Bafana Bafana Fawaaz Basadien.
Zwino, hu khou ḓa huṅwe u saina ha ndeme nahone zwi itea uri a vhe mutambi wa kale wa Kaizer Chiefs!
Mamelodi Sundowns i khou vala kha u saina hu tevhelaho
Uya nga ha mafhungo a zwenezwino a u fhirisela vhatambi, Mamelodi Sundowns i kha nyambedzano dzo dzikaho na TS Galaxy malugana na u saina Khulumani Ndamane.
Mutsireledzi wa Bafana Bafana wa minwaha ya 21 o diphina nga fulo la u bvelela la ṋaledzi kha khalanwaha yo fhiraho.
Mutambi wa Kaizer Chiefs o ṱhaphudzaho pfunzo dzawe dza academy o tamba mitambo ya 27 kha Galaxy kha khalanwaha yawe ya u thoma kha kilabu.
“U ya nga tshisima tshi re tsini na kilabu mbili, Mamelodi Sundowns zwa zwino i kha nyambedzano na Galaxy nga ha mutsireledzi wa vhuimo ha nṱha,” ho vhaliwa nga muvhigo wa Citizen.
“Naho Buccaneers na yone yo sumbedza dzangalelo, hu tendiwa uri Sundowns i tsini na u swikelela thendelano na tshigwada tsha Mpumalanga phanḓa ha khalanwaha ntswa.”
Translated by Nthaduleni Rolivhuwa
