MaMkhize o kundelwa u renga Mbabane Highlanders
Thendelano ya Shauwn “MaMkhize” Mkhize na Mbabane Highlanders yo wela fhasi nga murahu ha u xelelwa nga tshifhinga tsho vhewaho.
Hezwi zwi khou ḓa nga murahu ha mivhigo ya zwenezwino ya uri vhuḓidini ha MaMkhize ha u wana kilabu ya Bola ya Milenzhe ya Ḽigi ya Nṱha ya Eswatini Mbabane Highlanders AM Football Club a ho ngo bvelela.
Mivhigo yo sumbedza uri Vho-MaMkhize vho bvelela kha u renga iṅwe kilabu nga murahu ha musi Royal AM yo pandelwa kha Premier Soccer League,
Zwi tshi tevhela u kundelwa havho u tandulula mafhungo avho na vha Tshumelo dza Mbuelo dza Afrika Tshipembe (SARS).
Uya nga ha mivhigo, Vho-MaMkhize vho vha vho shandukisa dzina ḽa Mbabane Highlanders vha tshi khou hulisa ṅwana wavho.
Fhedzi muvhigo muswa u sumbedza uri tshigwada tshi do vhuyelela kha dzina latsho la u thoma nga murahu ha musi MaMkhize o xelelwa nga tshifhinga tsho vhewaho.
Thendelano ya MaMkhize ya Mbabane Highlanders yo fhela nga murahu ha u pfuka tshifhinga tsho vhewaho
Uya nga ha muvhigo wa Soccer Laduma, MaMkhize o xelelwa nga tshifhinga tsho vhewaho tsha u ḓiṅwalisa sa muṋe muswa wa kilabu ya Eswatini Premier Soccer League.
Musi vha tshi khou amba na khandiso, Mulanguli Muhulwane wa Ḽigi ya Bola ya Milenzhe ya Eswatini Vho Pat Vilakati vho kovha uri Vho Shauwn Mkhize vho vha vhe na tshifhinga u swika nga Musumbuluwo, ḽa 21 Fulwana 2025.
U ḓiṅwalisa sa muṋe muswa wa Mbabane Highlanders, fhedzi vho xelelwa nga tshifhinga tsho vhewaho.
“Ee, nga tshifhinga tshino, thimu a i athu shandula vhuṋe hayo na dzina,” Vilakati o topolwa nga khandiso.
Muṋe muswa we a vha o lavhelelwa, Vho-Miss Shauwn Mkhize, na mulanguli wa kale, Vho-Bheki Simelane, vho vha vha tshi fanela u saina mabammbiri a u ṋetshedza u itela u ṅwalisa Mkhize sa muṋe muswa.
- Vhalani hafhu : Nasreddine Nabi u kha ḓi vha kha Kaizer Chiefs na ino khalanwaha
” Fhedzi zwenezwo a zwo ngo itea, nahone ḓuvha ḽa u vala ḽo vha ḽi Musumbuluwo, ḽa 21 Fulwana ,” Vilakati o ṱalutshedza.
Translated by Nthaduleni Rolivhuwa
