FIFA yo humbela kaizer chiefs uri i badele R3 million?

Zwi vhonala u nga FIFA i ḓo eletshedza Kaizer Chiefs uri i badele R1.5 miḽioni muṅwe na muṅwe sa mbadelo ya mveledziso ya Asanele Velebayi na Luke Baartman.

Vhatambi vhavhili vha fulufhedzisaho vhe vha bveledzwa nga Cape Town Spurs, u ya nga milayo ya FIFA.

Muhanga wa mbadelo dza mveledziso wa FIFA u ṱoḓa uri dzikiḽaba dzi badele vhane vha vha na vhuḓifhinduleli ha u gudisa mutambi vhukati ha miṅwaha ya 12 na 21.

Zwihuluhulu musi mutambi a tshi saina thendelano yawe ya u thoma ya phurofeshinaḽa kana u pfulutshela kha dzikiḽaba phanḓa ha musi a tshi swikisa miṅwaha ya 23.

Uya nga ha muvhigo uyu wa zwenezwino wapo, hu pfi vha Kaizer Chiefs vho ḓiimisela u swikelela thendelano iyi.

Sa zwe zwa vhigwa vhege dzo fhiraho, Amakhosi yo saina vhavhili vhavhili nga thendelano dza mahala nga ṅwambo wa u fhungudzwa ha Spurs u bva kha Division ya u Thoma ya Lushaka u ya kha ABC Motsepe League.

Spurs, iṅwe ya akhademi dza vhaswa dzi ṱhonifheaho vhukuma Afrika Tshipembe.

Yo fhindula nga u ṋetshedza mbilaelo lwa tshiofisi kha Dzangano ḽa Bola ya Milenzhe ḽa Afrika Tshipembe (SAFA),

I tshi ṱoḓa mbadelo ya tshifhinga na zwishumiswa zwo vhetshelwaho kha u gudisa vhatambi avho vhavhili.

“Ni a ḓivha, Kaizer Chiefs yo ḓiimisela u tevhela milayo na u ita zwithu zwo teaho nga bugu,” tshisima tsho vhudza Soccer Laduma.

“Ndi ngazwo hu tshi tendiwa uri vha khou lavhelelwa u badela R1.5 million kha mutambi munwe na munwe, zwine zwa amba R3 million kha vhatambi vhavhili.

“Ni humbule zwithu zwi fanaho na hezwi zwo itea vhukati ha Kaizer Chiefs na TS Galaxy une wa katela Puso Dithejane musi a tshi ṱutshela Chiefs.

• VHALANI HAFHU : MaMkhize o kundelwa u renga Mbabane Highlanders

“Galaxy yo vha i tshi fanela u badela mbadelo yeneyo ya mveledziso, nahone ndi zwine vha nga lavhelelwa u badela Spurs u ya nga milayo ya FIFA,”

Translated by Nthaduleni Rolivhuwa