Thabo Mngomeni o ita khumbelo ya ndeme kha Mofokeng
Vho-Thabo Mngomeni vho humbela ṋaledzi ya tshigwada tsha Orlando Pirates Relebohile Mofokeng uri a lindele tshikhala tshawe tsha u pfulutshela mashangoni a nnḓa.
Relebohile Mofokeng o vha a tshi khou lavhelelwa u pfulutshela kha maṅwe mashango mafheloni a khalanwaha yo fhiraho sa izwi hu tshi vhigwa uri tshivhalo tsha dzikiḽaba dza Europae dzi na dzangalelo khae.
Fhedzi nṱhani hazwo, khonani yawe Mohau Nkota o pfulutshela Saudi Arabia zwi songo lavhelelwa.
Zwino Mbekezeli Mbokazi na ene u khou mu ranga phanḓa sa izwi a tshi khou ṱoḓa u dzhena kha tshigwada tsha Chicago Fire tsha ligi khulwane ya Amerika nga ṅwedzi wa Phando.
Musi vha tshi khou amba na vha Soccer Beat, Vho-Mngomeni – vhane vha kha ḓivhazwakale ya Pirates na Bafana Bafana – vho sumbedza u ṱungufhala havho nga ha nyimele ya Mofokeng.
“Ndi muthu sa riṋe vhaṅwe vhoṱhe, murathu wanga,” ho amba Mngomeni, we a tamba kha Pirates vhukati ha 1998 na 2002.
“Zwino arali hu na bidi ya muṅwe muthu nahone a tendelwa u ṱuwa, fhedzi arali ha bvelela zwiṅwe zwithu a nga vhofhololwa…
“Zwenezwo zwi ḓo sika zwithu zwivhi nga ngomu haṋu. Fhedzi khae, zwine nda nga amba ndi uri ndi khou humbela uri ni sokou tamba bola.
“Nga a dzule a tshi tamba. Maṱo o vhona zwe a zwi vhona nahone maṱo ha zwifhi – o vhona zwe a zwi vhona, a nga si kone u zwi bvisa.”
Mngqomeni u tenda uri hu si kale hu ḓo vha na bid ya Relebohile Mofokeng nahone Pirates a i nga ḓo ima nḓilani yawe.
“Hu na vothi ḽine ḽa ḓo vula hu si kale nahone ndi fulufhela uri vha ḓo mu litsha a ṱuwa,” ho engedza Mngqomeni.
“Ndo vha ndi tshi humbula uri vha ḓo mu litsha na zwino, nga maanḓa nga hetshi tshifhinga tshine ha khou ambiwa nga ha Barcelona.”
Fhedzi ubva kha zwine zwa vhonala, Mofokeng u do tea u ya Saudi Arabia kana US sa Nkota na Mbokazi.
Izwi ndi ngauri zwo bviselwa khagala uri kilabu dza Yuropa a dzi khou ṱoḓa u badela mbadelo nnzhi kha vhatambi vha Afrika Tshipembe.
Hezwi zwo khwaṱhisedzwa nga mulanguli wa Mbokazi, Basia Michaels, we a amba uri kilabu ya Belgium yo ḓiimisela u badela R3 million u itela mutsireledzi wa maimo a nṱha.
