Sikhosana uri Mbokazi o ṱoya u dala  kha ḽa US

Mutambi wa tshigwada tsha Orlando pirates ane a vha muambasada wa Hollywoodbets Vho Jerry Sikhosana vho bvisela khagala uri ndi ngani vha tshi tenda uri  Mbekezeli Mbokazi u do dzula kha ligi khulwane ya US lwa tshifhinga nyana.

Sikhosana u vhona u pfulutshela ha Mbekezeli Mbokazi kha Chicago Fire sa nḓila pfufhi ya u ya Europe.

Vho-Sikhosana vhari vhupo ha MLS vhu tendela vhatambi vhaswa uri vha bvele phanḓa nga u tamba na vhatambi vha re na tshenzhemo vha bvaho kha zwigwada zwa nṱha kha ḽa Yuropa.

“Nḓila nthihi fhedzi ya uri Mbekezeli Mbokazi a swike Europe zwa zwino ndi u tamba kha MLS,” Sikhosana o ralo.

“Hezwi ndi ngauri u ḓo vha a tshi khou tamba na vhatambi vhanzhi vhe vha ṱutshela zwigwada zwihulwane zwa Europe .

“Hezwi zwi ḓo mu ṋea tshikhala tshihulwane tsha u aluwa nga nḓila ye ya vha i sa ḓo itea nga u ralo”

Mbekezeli Mbokazi zwenezwino o saina thendelano ya miṅwaha miṱanu na vha Chicago Fire.

Mutsireledzi uyu u dzhena kha mutevhe une wa khou aluwa wa vhatambi vhaswa vha Afrika Tshipembe vhe vha wana zwikhala nnḓa ha Betway Premiership zwenezwino.

Mutambi wa kale wa Orlando Pirates Mohau Nkota zwenezwino o pfulutshela kha Al Ettifaq mathomoni a ino khalanwaha.

Mutsireledzi muswa Tylon Smith na ene zwenezwino o ṱanganela na Queens Park Rangers kha Muṱaṱisano wa England.

• VHALANI HAFHU :Helman Mkhalele o sinyuswa nga tsheo ya zwenezwino ya FIFA

Nga hetsho tshifhinga Ime Okon u isa phanḓa na lwendo lwawe lwa Europa a tshi khou tamba kha Hannover 96 ngei Germany.