Vhupfiwa ha Maswanganyi malugana na u sa nangiwa kha Afcon

Mutambi wa vhukati wa Orlando Pirates Vho-Patrick “Tito” Maswanganyi uri o vha vha songo vhuya a lavhelela u sa nangiwa kha tshigwada tsha Bafana Bafana tsha khaphu ya dzitshaka dza Afrika.

Maswanganyi o vha e hone kha mitambo ya u ṱanganedza ya Bafana’s World Cup na Afcon nahone o ṅwaliwa kha tshigwada tsha vhatambi vha 54 vhe vha nangiwa khavho .

Naho Patrick Maswanganyi o vha o katelwa kha vha 54  fhedzi o fhedza o sala nnḓa, a ri a zwo ngo mu vhilaedzisa. Zwi re zwone ndi uri o vha o zwi lavhelela.

“Ndo vha ndi tshi dzulela u zwi ḓivha uri a thi nga swiki kha tshigwada tsha Afcon,” 

“Ndo vha ndi sa khou tamba tshifhinga tshoṱhe nahone ndo vha ndi tshi wana mimunithi i si gathi fhedzi kha mitambo minzhi.

“Na musi ndo vhidzwa, ndo vha ndi na vhulwadze vhuṱuku he ha kwama muhumbulo wanga na vhuimo hanga kha thimu ya lushaka.

“Ri na vhatambi vhanzhi vhane vha shuma nga maanḓa kha shango vho teaho u khethiwa.”

Bruce o no vhuya a amba nga ha Patrick Maswanganyi sa muthu ane a nga dzhia vhudzulo ha Themba Zwane kha thimu ya lushaka.

Fhedzi-ha, Maswanganyi o tenda uri o vha a si na zwenezwo muhumbuloni wawe.

O ri: “A tho ngo humbula nga hazwo ngauri ndo vha ndi tshi vho ḓivha mvelelo.”

“Muṅwe na muṅwe u ṱoḓa u vha hone fhedzi arali u siho u nga si kombetshedze zwithu.

“Zwa zwino ndi khou shuma nga maanḓa u itela u wana vhuimo hanga kha thimu (kha Pirates).

“Arali nda ita zwavhuḓi kha thimu yanga, tshikhala tshanga tsha u vhuyelela kha thimu ya lushaka tshi ḓo engedzea.”

Mufunwa nga vhatikedzi vha Pirates na ene o tenda vhuleme ha u dzula kha bannga na u vhona vhatambi ngae vha tshi tamba.

“Zwo vha zwi tshi konḓa u ṱalela vhaṅwe vha tshi tamba fhedzi vho zwi shumela nga maanḓa nahone vha ita zwavhuḓi,” o bvela phanḓa.

• VHALANI HAFHU: Sikhosana uri Mbokazi o ṱoya u dala  kha ḽa US

“Kha nṋe zwa zwino zwa ndeme ndi u tikedza vhatambi vhaswa na u vha ṱuṱuwedza ngauri vha khou thusa thimu.”