Naa Makhaula o vha o fanelwa nga garaṱa tswuku? Hlungwani u bvisela khagala
Vhanwe vhatikedzi vho sala vha tshi khou tenda uri mutambi wa vhukati wa Orlando pirates Makhehleni Makhaula o vha na mashudu a songo bvisiwa.
Hezwi zwi tevhela tshiwo tshe tsha itea kha hafu ya u thoma ya mutambo wa u fhedzisela wa Carling Knockout wa mafhelo a vhege .
Makhehleni Makhaula o raha mutambi wa Marumo Gallants Ibrahim Bancé zwe zwa ita uri a wane garaṱa ya muvhala wa tshitopana.
Fhedzi vhaṅwe vhatikedzi – nga maanḓa vhe vha vha vho sinyuswa nga u kunda ha Pirates kha mutambo – vho vhona uri zwo vha zwo fanela u vha khadi tswuku.
Hezwi ndi ngauri mulenzhe wawe wo rwa Bancé nga maanḓa kha khana.
Malungwane wa kale wa PSL ane zwino a vha muḓivhi wa TV, Vho-Victor Hlungwani, vho bvisela khagala, vha tshi khoḓa malugwane Akhona Makalima.
“Kha ndi thome nga u fhululedza mufumakadzi Akhona Makhalima kha u langa mutambo wa u fhedzisela nga vhutsila vhuhulwane. Vho ita mushumo wavhuḓi vhukuma,” Hlungwani o vhudza SoccerZone.
“Hafha ri vhona Makhaula a tshi khou lingedza u maka… Ri tea u fhambanya vhukati ha u sa londa na u shumisa maanḓa.
“O ṱuwa nga maanḓa mahulwane. Kha ri zwi sedze zwavhuḓi (a tshi sumbedza tshiwo kha thelevishini).
“Hafha ri vhona vhoṱhe Makhaula na Bancé vho ṱharamudza milenzhe yavho yo linganelaho nahone i nṱha vhukuma.
“Fhedzi mulenzhe wo ṱanḓavhuwa kana u a gonya Sedzani henefho, mulenzhe u a gonya… Arali mulenzhe wa gonya nga u ralo, a hu tsha shumiswa maanḓa.
“Ngauralo a hu na ṱhoḓea ya u ṋea garaṱa tswuku, hezwi zwi fhungudza mulandu wa u sa londa nahone garaṱa ya muvhala wa tshitopana ndi yo teaho.
“Arali a gonya mulenzhe wawe, zwi tou nga u khou ri, ‘A thi ṱoḓi u mu rwa, fhedzi u khou ḓa kha nṋe’.
Hlungwani o engedza nga uri: “Ngauralo garaṱa ya muvhala wa tshitopana yo eḓana u itela u mu tshivhuza nga ha u sa londa.”
Makhehleni Makhaula o bvisiwa kha luṱa lwa vhuvhili sa izwi Pirates yo vha i tshi khou vhilaela uri a nga wana garaṱa ya vhuvhili ya muvhala wa tshitopana .
- VHALANI HAFHU: Thabo Mngomeni o ita khumbelo ya ndeme kha Mofokeng
Mutambo wo fhedza wo kundwa nga Pirates nga 1-0 nga tshikoro tshe tsha dzhena kha tshifhinga tsho engedzwaho, nga zwenezwo vha wana tshiphuga tshavho tsha vhuvhili kha khalanwaha.
