Vha Chiefs vha humbela Shalulile uri a dzhene ngei Naturena
Zwi khou pfhala uri Vho-Peter Shalulile vha nga fhedza vha kha Kaizer Chiefs sa izwi vhumatshelo havho kha Mamelodi Sundowns vhu tshi vhonala vhu si havhuḓi.
The Sun yo pfa uri mutambi wa Kaizer Chiefs Gaston Sirino we a vha a tshi tamba nae kha Sundowns ndi ene we a ṱuṱuwedza mutambi uyu uri a dzhene kha Naturena.
Shalulile hu tendiwa uri u kha nwaha wa u fhedzisela wa thendelano yawe na Sundowns nahone a nga saina thendelano ntswa nga nwedzi wa Phando.
Tshiimo tsha mutambi wa phanḓa kha Sundowns a si tshavhuḓi na luthihi sa izwi zwino jesi yo no vha ya kale nga fhasi ha mugudisi Miguel Cardoso.
Shalulile o vha e muṅwe wa vhanna vha Sundowns vhane vha fulufhelwa nga fhasi ha vhagudisi vho fhiraho Vho-Pitso Mosimane, Rulani Mokwena na Manqoba Mqqithi.
Hu do humbulwa uri ho vha na mavharivhari a uri u khou ṱuwa kha Sundowns sa izwi ho vha hu tshi pfi kilabu ya Tunisia i na dzangalelo khae fhedzi a si ṱuwe.
Zwa zwino Shalulile u khou ṱaṱisana na vhatambi vha Iqraam Rayners, Arthur Sales na Lebo Mothiba nahone mutambi wa phanḓa wa Namibia o vha a kha fomo i si yavhuḓi u bva mafheloni a khalanwaha yo fhiraho.
Hezwi zwo dovha zwa vha na masiandoitwa mahulwane kha thimu ya lushaka ya hayani hawe ngei Namibia sa izwi o sumbedza u sa tamba zwavhuḓi kha mitambo ya u khetha ya Tshiphuga tsha Ḽifhasi.
Kha mutambo muthihi we a u tamba kha ino khalanwaha, o no kona u kora tshikoro tshe tsha ita uri a pwashe rekhodo ya Siyabonga Nomvete ya u kora zwikoro zwa 129.
U khou lavhelelwa u vhea rekhodo ntswa kha ino khalanwaha nahone o dovha a amba uri u khou ṱoḓa u pwasha rekhodo ya Collins Mbesuma ya u kora zwikoro zwa 25 kha khalanwaha nthihi.
Fhedzi hezwi zwi vhonala zwi tshi khou konḓa sa izwi Cardoso a tshi khou sokou fhirisa tshikalo nga ha jeresi,
- Vhalani hafhu : Ndo vha ndi tshi ṱoḓa u litsha bola ya milenzhe’- Makhehlene
A zwi vhonali sa mutambi wa phanḓa ane a mu fulufhela kana ane a ḓifara zwavhuḓi kha tshitaila tshawe tsha u tamba.
Translated by Nthaduleni Rolivhuwa
