Kaizer Chiefs yo vusuludza dzangalelo kha mutambi wa Uganda
Hu khou pfala uri thimu ya Kaizer Chiefs yo vusuludza dzangalelo ḽayo kha mutambi wa phanḓa wa Uganda Steven Dese Mukwala ane zwa zwino u khou tamba kha thimu ya Simba SC ya Tanzania.
Amakhosi yo thoma u ṱangana na mutambi wa phanḓa wa Uganda Steven Dese Mukwala musi ino khalanwaha i sa athu thoma.
Mivhigo i bvaho Tanzania nga tshenetsho tshifhinga yo amba uri mugudisi wa Kaizer Chiefs Vho-Nasreddine Nabi vho ya shangoni ḽeneḽo u itela u lingedza na u ṱuṱuwedza mutambi wa phanḓa uri a ṱangane nae Afrika Tshipembe.
Fhedzi a hu ngo swikelelwa thendelano nahone Mukwala o sala Simba. Hu tendiwa uri hezwi zwo vha zwi tshi khou itiswa nga u sa ḓivha vhumatshelo ha Nabi nga tshenetsho tshifhinga.
Nabi o fhedza o pandelwa kha Chiefs nahone mushumo uyu zwa zwino u khou farwa nga vhathusi vhawe Cedric Kaze na Khalil Ben Youssef.
- VHA RI WANA KHA FACEBOOK| Mitamboyashu.co.za
Fhedzi zwino Phakaathi i vhiga uri tshisima tshayo ngei Tanzania tshi amba uri Chiefs i kha ḓi vha na dzangalelo la u saina mutambi uyu wa minwaha ya 26.
“Kaizer Chiefs i kha ḓi vha na dzangalelo vhukuma kha Mukwala.I khou toda u mu saina nga nwedzi wa Phando nahone Simba na yone yo vulea u mu rengisa arali tshelede i ya vhuḓi” .
Mukwala, we a thoma mushumo wawe wa bola ya milenzhe na Vipers kha ligi ya nṱha ya Uganda, o no vhuya a tamba kha thimu ya Maroons FC na URA FC.
- VHALANI HAFHU: Naa Solomons o wana vhuimo ho muteaho kha Chiefs ?
Vho dovha vha fhedza nwaha vha Ghana he vha tamba kha Asante Kotoko vha sa athu pfulutshela Tanzania hune zwa zwino ndi munwe wa vhatambi vhane vha vha uri vha khou ranga phanḓa.
