“Yo vha i tsheo i konḓaho, fhedzi ya vhuphurofeshinaḽa” Mako

U bva ha Paseka Mako kha Orlando Pirates u ya kha Kaizer Chiefs zwo mangadza vhathu.

Mutambi wa minwaha ya 31 uri yo vha i tsheo i konḓaho, fhedzi ya vhuphurofeshinaḽa.

Mako o dzhena kha Chiefs khathihi na Thabiso Monyane, a vha muṅwe wa vhatambi vhaswa vha 11 u bva nga ṅwedzi wa Fulwana  ṅwaha wo fhiraho.

Naho o fhedza miṅwaha ya sumbe e kha Orlando Pirates na u wana vhuimo ha u funeswa nga vhatikedzi, mutambi wa murahu wa tsha monde  u ombedzela uri tshanduko  i  khou tshimbila zwavhuḓi.

PASEKA MAKO KHA U PFULUTSHELA KHA KAIZER CHIEFS
“Ndi nga amba uri zwo vha zwi tshi konḓa u bva kha iṅwe thimu, na u ḓa kha heyi thimu,” Mako o ralo .

“Sa zwe nda amba, a thi ṱoḓi u dzula kha zwa kale ngauri ndivho yanga khulwane ndi u thusa heyi thimu uri i bvele phanḓa na u wina zwiphuga,” ho engedza mutsireledzi wa Kaizer Chiefs.

Mako o isa phanḓa na u ombedzela uri u ṱuwa havho zwo vha zwi tshi konḓa, fhedzi vha ri vha zwi dzhia nga nḓila ya vhuphurofeshinaḽa, vha tshi ṱhogomela uri vha khou shanduka u bva kha tshigwada tshihulwane vha tshi ya kha tshiṅwe.

O engedza nga uri u shandukiswa ha tshigwada a zwo ngo ṱoḓa tshanduko khulwane nahone o ombedzela uri u kha ḓi vha muthu we a vha e ene kha kilabu yawe ya kale.

VHUGALA HA KHAPU YA CAF CONFEDERATION

Nga tshifhinga tshenetshi, Kaizer Chiefs yo wana gundo ḽa ndeme ḽa 1-0 kha ZESCO United ya Zambia kha Tshiphuga tsha Khonfederesheni tsha CAF nga Swondaha.

U kunda zwo ṋea vhutshilo vhuswa kha fulo ḽa Amakhosi ḽa Group D, zwine zwa vha gundo ḽavho ḽa u thoma kha vhuimo ha zwigwada kha ino khalanwaha.

• VHALANI HAFHU: Chiefs yo kunda Zesco kha mbambe ya Confederation Cup

Amakhosi zwino i ḓo livhisa ṱhogomelo kha mutambo wa u vhuyelela na ZESCO United nga dzi1 Luhuli.