Broos o dovha a valela Lorch nnḓa hafhu
Fulufhelo ḽa Thembinkosi Lorch ḽa u vhuyelela kha Bafana Bafana ḽo fhela musi mugudisi Vho-Hugo Broos vha tshi mu sia kha tshigwada tshavho tsha mitambo ya Africa Cup of Nations (Afcon).
Broos o ṋea madzina a tshigwada tshawe tsha vhatambi vha 55 tshine a ḓo nanga khatsho vhatambi vhawe vha 23 vhane vha ḓo vha isa kha thonamente ngei Morocco nga ṅwedzi wa Nyendavhusiku .
Dzina ḽa Thembinkosi Lorch ḽo vha ḽo lavhelelwa nga mafulufulu musi hu sa athu ḓivhadzwa, nga maanḓa nga murahu ha musi o tamba zwavhuḓi kha Wydad Casablanca.
Mutambi wa vhukati ane a ṱhasela u kha ḓi vha mutambi wa ndeme kha thimu, ngeno a tshi shela mulenzhe kha u fhaṱa na u kora zwikoro zwa ndeme zwine zwa mu ita muṅwe wa vhatambi vha bvelelaho kha dzhango.
Naho Lorch o khwinifhadza, Broos o dovha a nanga u sa saina ṋaledzi ya kale ya Orlando Pirates na Mamelodi Sundowns.
U sa tamba ha Lorch zwo vusa khanedzano vhukati ha vhatikedzi, vhanwe vha tshi khou vhudzisa uri naa Broos u na vhushaka na mutambi uyu.
Vho-Thembinkosi Lorch vho vusuludza bola ya milenzhe shangoni la Morocco nga murahu ha musi vho tuwa kha Sundowns, he vha vha vha na thaidzo ya jesi.
Kha Wydad, o vha phuphu ya ndeme ya thimu, a tshi engedza vhuṱali na u ṱalifha kha u ṱhasela kha thonamennde yoṱhe.
Fhedzi vhuhali hawe kha kilabu yawe a ho ngo eḓana u ṱuṱuwedza mugudisi wa thimu ya lushaka, zwa sia vhanzhi vha tshi ḓivhudzisa uri ndi zwifhio zwiṅwe zwine Lorch a fanela u zwi ita uri a vhuiswe murahu.
Zwino ngauri miṅwaha yo no fhira, zwi vhonala u nga Lorch – wa miṅwaha ya 32 – o fhelelwa nga tshifhinga tsha thimu ya lushaka.
Bafana Bafana i do thoma fulo layo la Afcon nga dzi 22 dza Nyendavhusiku musi vha tshi tamba na Angola phanda ha musi vha tshi tamba na Egypt na Zimbabwe kha Group B.
