Naa Solomons o wana vhuimo ho muteaho kha Chiefs ?

Kaizer chiefs yo bva mudavhini wa Suez Cairo yo dinalea nga murahu ha musi yo kundwa nga 2-1 nga Al Masry kha mutambo wa Caf Confederation Cup nga Swondaha nga madekwana.

Fhedzi u tamba ha muṅwe wa vhatambi vhavho – Dillan Solomons – zwo vusa khanedzano khulwane hayani.

Mutambi wa minwaha ya 29 kanzhi ndi right-back nahone o ita zwavhuḓi.

Fhedzi kha mutambo wa Swondaha o vha o valelwa kha vhuimo ho fhambanaho sa vhunga o vha e kha right wing, vhuimo he ha vha vhu tshi mu tendela u ṱhasela a tshi shumisa luvhilo lwawe.

Ho vha hu u gembula kha vhagudisi vha Kaizer Chiefs Cedric Kaze na Khalil Ben Youssef — nahone zwo vha shumela zwavhuḓi.

Dillan Solomons o vha a tshi vhonala a tshi khou takalela vhuimo he ha mu vhofholola uri a kone u gonya na u ṱhasela o vhofholowa.

O vha a tshi gidima a ita dzi phasi dzavhuḓi, a  sumbedza nḓala ya tshikoro sa izwi o vha a tshi ita na u rahela  bola mambuleni musi tshikhala tshi tshi bvelela.

Iṅwe ya ṱhoho dzawe ndi yone ye ya fhedza yo vha i tshi khou linganisa, naho Al Masry yo kona u dovha a ranga phanḓa.

• VHA RI WANA KHA FACEBOOK| Mitamboyashu.co.za

Naho Dillan Solomons o ita mushumo wavhuḓi wa u fukedza vhatambi vha murahu musi a tshi tamba henefho, u tamba hawe ngei Egipita kha u ṱhasela zwi sumbedza uri u mbizo yawe ya vhukuma hu nga vha phanḓa nṱhani ha murahu.

Nḓila ye a shumisa ngayo luvhilo lwawe u vula zwikhala zwo vusa nyambedzano vhukati ha vhatikedzi nga ha uri naa ndi vhuimo vhune a fanela u tamba khaho.

Tshithu tshithihi tshi khagala: naho e mutambi wa murahu, u vhonala e khwine vhukuma sa mutambi wa winger ane a ṱhasela.

• VHALANI HAFHU :Seema u ṱalutshedza u sa tamba ha vho hadzimiwaho vha Chiefs

Kha Kaizer Chiefs, u wana tshihali tshiswa tsha u ṱhasela zwi nga vha zwa ndeme u fhira mbuno dze a dzi xedza ngei Egipita.