Riveiro o amba nga ha  fhambano dzawe na Saleng kha Pirates

Mugudisi wa kale wa thimu ya Orlando pirates Vho-Jose Riveiro vhari vho takala u vhona Monnaapule Saleng a tshi vhuyelela midzini yawe ngei Orbit College.

Hezwi zwi tevhela khanedzano kha khalaṅwaha yavho ya u fhedzisela kha Pirates ye ya ita uri Saleng a si tsha tamba na luthihi.

Saleng wa minwaha ya 27 o vha a tshi khou thusa vhukuma kha u bvelela ha Pirates kha MTN8, fhedzi khalaṅwaha  yo fhelaho yo fhela nga ndila i si yavhuḓi.

Ha ngo vhonala kha tshigwada tsha mutambo nga Nyendavhusiku nahone ha ngo tamba ubva tsheetsho.

Musi vha tshi khou amba na Marawa Sports Worldwide zwenezwino, Vho-Jose Riveiro vho vula nga ha uri khanedzano vhukati havho na Monnaapule Saleng yo thoma hani.

“Saleng o vha na tshifhinga tshavhuḓi tsha u lugisela khalanwaha nahone a ita na u kora kha mutambo washu wa u thoma na Polokwane City,” Riveiro o humbula nga u ralo.

“Fhedzi ndo vha ndi songo takala nga u tamba hawe kha hafu ya u thoma. O vha a si Saleng ane nda mudivha.”

Mutambi wa Spain o tenda uri nḓila ye a amba ngayo nga tshifhinga tsha u awela ndi yone ye ya vha i tshi khou tshinyadza vhukuma vhushaka havho.

“Nga tshifhinga tsha u awela a ni na tshifhinga tsha u vha na vhuthu. Ni fanela u dzhia tsheo nga u ṱavhanya,” o bvela phanḓa

“Ndo mbo ḓi vha na vhuhali vhukuma, nahone zwenezwo zwo vha mathomo a tshifhinga tshi konḓaho vhukati hashu.”

Naho zwo ralo, Vho-Jose Riveiro vho amba uri vho takalela u vhona Monnaapule Saleng a tshi vhuya kha mushumo wawe wa bola ya milenzhe.

“Ndo takala uri Monnaapule u khou tamba na u thusa thimu yawe,” Riveiro o ralo.

“U khou sumbedza vhukoni vhune roṱhe ra vhu ḓivha uri u naho. O tewa nga u bvelela huṅwe na huṅwe.”

U tamba ha Saleng kha Orbit College ndi tshinwe tsha zwithu zwa ndeme kha khalanwaha ya u thoma ya thimu kha Betway Premiership.

• VHALANI HAFHU : Broos o dovha a valela Lorch nnḓa hafhu

Zwe Riveiro a amba henefho zwi sumbedza ṱhonifho ine a kha ḓi vha nayo kha mutambi naho vhushaka havho ho vha vhu tshi khou vhifha nga tshifhinga tshavho kha Pirates.