Mbokazi o zwi ita zwothe nga minwedzi ya malo fhedzi
Mutsireledzi wa Orlando Pirates Mbekezeli Mbokazi u khou mveledza muloro wawe nga murahu ha miṅwedzi ya malo fhedzi a tshi khou tamba bola ya milenzhe.
Orlando Pirates a yo ngo sokou bvukulula tombo ḽa ndeme kha Mbekezeli Mbokazi; vho wana mutambi wa miṅwaha ya 20 o lugelaho shango ḽoṱhe.
Miṅwedzi ya malo, nga ḽa 5 Ṱhafamuhwe 2025, Buccaneers yo kunda Chippa United nga 1-0 kha mutambo wawe wa u thoma sa mutambi wa bola ya milenzhe wa nṱhesa.
U bva kha mutambo yeneyo, u takuwa hawe ho vha ha bvumo.
O vha mukapuṱeni wa tshigwada tsha Afrika Tshipembe tsha U20s kha tshiphuga tsha Vhuṱaṱisani ha COSAFA,
Phanḓa ha musi a tshi thusa Buccaneers u fhedza kha vhuimo ha vhuvhili kha Betway Premiership na u lwa nḓila yavho ya u ya kha semi-fainala dzaCAF Champions League.
Musi e na miṅwaha ya 19, Mbokazi o bva kha Bafana Bafana musi vha tshi tamba na Mozambique tshitediamu tsha Peter Mokaba nahone ha ngo bonya maṱo.
- VHA RI WANA KHA FACEBOOK| Mitamboyashu.co.za
Ho tevhela mitambo miṋa nga tshifhinga tshiṱuku, hu tshi katelwa na u di sumbedzisa zwavhuḓi musi vha tshi tamba na Nigeria kha mitambo ya2026 FIFA World Cup qualifiers.
Nga murahu ha nwedzi muthihi fhedzi, thimu ya MLS ya Chicago Fire i khou pfala yo kunda kha mbambe ya u saina hawe nga R51-million phanḓa ha fasiṱere ḽa Phando.
Mugudisi wa Akhademi ya Mitambo ya Langalibalele Vho-Wonder Mnguni vhari vho thoma u wana Mbokazi musi muswa uyu a tshi dzhena kha akhademi vhukati ha 2023 nahone a tamba kha Engen Knockout Challenge.
Mnguni u mu humbula sa muthu ane a vha na ṱhoni nnḓa ha mudavhi fhedzi o shanduka tshoṱhe.
A ri “tshifhinga tshoṱhe musi a tshi dzhena mudavhini, o vha a sa vhuyi a fhumula; o vha a tshi khomanda,” Mnguni o vhudza iDiski Times.
