Vhuṱanzi vhuhulwane nga ha nyimele ya Mudau kha Sundowns

Ho vha na zwiṅwe zwithu zwo shandukaho kha mafhungo a zwenezwino a u fhirisela vhatambi vhane vha katela ṋaledzi ya Mamelodi Sundowns Khuliso Mudau.

Khuliso Mudau o ita thoho dza mafhungo zwenezwino nga murahu ha musi ho bvelela mivhigo ya uri ṋaledzi ya Mamelodi Sundowns yo vha i tsini na u dzhena kha tshigwada tshine tsha khou ṱaṱisana natsho Orlando Pirates.

Mudau ndi munwe wa vhatambi vha khwine kha shango nga hetshi tshifhinga.

Nyimele yawe kha Sundowns kha nwaha wo fhelaho naho zwo ralo ngoho yo vha i tshi mangadza. Fhedzi u tsini lungafhani na u ṱutshela kilabu zwa vhukuma?

Mutambi wa Sundowns o ḓikumedzela kha tshigwada .
Musi mafhungo a tshi bvelela a uri Mudau u kha nyambedzano khulwane na vhapikisi vhawe Orlando Pirates, vhatikedzi vhanzhi vha Sundowns vho sala vho tshuwa.

Ndi mutambi makone wa murahu wa miṅwaha ya 30. U ṱuwa hawe, na u dzhena kha Orlando Pirates zwo vha zwi tshi ḓo vha tshiṱhavhi tshihulwane.

Mudau ene mune naho zwo ralo o khwathisedza vhatikedzi vha Sundowns uri o ḓikumedzela 100% kha tshigwada.

“Ndo pfha nga hazwo. Ndi humbula uri munwe wa khonani dzanga o nthumela zwithu zwo raloho. Mivhigo i ri ndi khou ya Orlando Pirates,” Mudau o vhudza vhavhigi vha mafhungo.

“A thi ḓivhi na tshithu.  Muyawanga u kha Mamelodi Sundowns. Ndi 100% fhano, mbilu yanga i fhano, nahone ndi ṱoḓa u swikelela zwithu na thimu.”

Zwidodombedzwa zwa thendelano ntswa ya Mudau
Nga nṱhani ha mavharivhari a u bva hawe zwenezwino, mivhigo minzhi yo sumbedza uri thendelano ya Mudau kha Mamelodi Sundowns i ḓo fhela nga ṅwedzi wa Fulwi.

Mivhigo miswa naho zwo ralo i sumbedza uri a si zwone. Ngoho vha Soccer Laduma vhari ṋaledzi ya Bafana Bafana yo saina thendelano ntswa kha kilabu ṅwaha wo fhiraho .

• VHALANI HAFHU: Mofokeng una fulufhedziso kha vhatikedzi vha Pirates

Mudau hu khou pfala uri ndi ene ane a hola tshelede nnzhi kha kilabu nahone zwi do dzhia ofa ya tshelede nnzhi  uri Masandawana a kone u rengisa star man wavho.