U ṱuwa ha Barker kha Stellens zwo vhaisa Devin Titus

U ṱuwa ha Steve Barker nga u ṱavhanya kha Stellenbosch FC zwo sia muḓifho u vhavhaho mulomoni wa Devin Titus, muṅwe wa mukhaputeni wa tshigwada.

Barker o ṱutshela tshigwada tsha Betway Premiership nga ṅwedzi wa Nyendavhusiku, a dzhena kha tshigwada tsha Simba SC ngei Tanzania.

O vha o no fhedza miṅwaha i ṱoḓaho u vha fumi kha Stellies nahone o vha o bvelela vhukuma, a wina zwiphuga zwivhili nga tshenetsho tshifhinga.

Vho wina kha Muṱaṱisano wa Motsepe Foundation u itela u vha takulela kha Ligi ya Nṱha ya Betway, nahone vha dovha vha wina khaphu ya Carling.

Fhedzi o dovha a bveledza vhatambi vhanzhi vhe vha fhedza vho rengiselwa dzi kilaba khulwane – Stellies yo wana mbuelo ya vhudi khavho.

Devin Titus ndi munwe wa vhatambi vhe vha aluswa nga Steve Barker nahone u ṱuwa hawe a zwo ngo mufara  zwavhuḓi.

“Steve Barker ndi ene we a nṋea tshikhala tsha u ḓi sumbedza kha vhuimo uhu nahone ndi livhuwa vhukuma zwenezwo,” ho amba Devin Titus.

Vho amba nga  Ḽavhuṋa nga murahu ha mutambo wa Nedbank Cup hune vha do tamba na Kaizer Chiefs kha luta lwa u thoma.

“Zwo vha zwi tshi ṱungufhadza vhukuma u mu vhona a tshi khou ṱuwa. Fhedzi ndi a zwi ḓivha uri o wana zwa khwine hune a khou ya hone.”

• vhari wana kha facebook| Mitamboyashu.co.za

Vhudzulo ha Barker ho ḓadzwa nga mugudisi a re na tshenzhemo Gavin Hunt, nahone Titus u vhona vha tshi khou wana zwinzhi khae.

“Nga u dzhena ha Gavin Hunt, ndi mathomo maswa. Lushaka lwa bola ya milenzhe ine a i tamba na zwoṱhe zwe a zwi swikelela…

Titus o engedza nga uri: “Ndi a zwi ḓivha uri u ḓo ḓisa maanḓa ane ra a ṱoḓa zwino.”

Kha Chiefs, vhari a vha na ṱhoni nahone vha ḓo vha wana vha khwine kha tshifhinga hetshi sa izwi vhe thimu yo fhambanaho na ya khalanwaha yo fhiraho.

• VHALANI HAFHU :Siyanda Zwane o ṱalusa vhudzivha ha vhukoni ha Sipho Mbule 

Lwa u fhedzisela musi vha tshi tamba na hedzi thimu kha mutambo wa ligi, Stellies yo kunda nahone ya kona u kuvhanganya phoindi tharu.