Mokwena o amba nga ha kushumele kwa Bafana Bafana kha AFCON

Mugudisi wa MC Alger Vho Rulani Mokwena vho sumbedza u dinalea havho nga u bva ha Afrika Tshipembe kha mitambo ya AFCON kha mitambo ya 16 ya u fhedzisela.

Vho-Mokwena vho vha vha tshi khou amba na Vho-Robert Marawa kha SNAWA musi vha tshi talutshedza uri vha kha di pfha vhutungu nga uri thimu yo bviswa nga u ṱavhanya naho hu na vhukoni.

“Zwi a konda u amba nga ha Afrika Tshipembe ngauri zwi a ṱungufhadza. Ndi funa shango na vhatambi vhane vha ḽi imela nahone zwi a konḓa u bvisela khagala muhumbulo wanga” ndi Vho-Mokwena.

“Kha nne, zwi thoma nga u lugisela na u nanga vhatambi. Kha thimu ya lushaka, vhatambi vha ndeme vha tea u vha hone kha muṱaṱisano wa mufuda uyu.”

Mokwena u tenda uri Afrika Tshipembe a ḽo ngo ḓilugisela zwavhuḓi muṱaṱisano nahone u tenda uri u khethwa ha vhatambi na zwone zwo shela mulenzhe kha nḓila ye thimu ya tamba ngayo.

“A thi vhoni u nga nḓila ye thimu ya tamba ngayo yo sumbedza khonadzeo ya thimu musi ri tshi tamba na vhatambi vha re kha ḽeveḽe ya AFCON.”

“Musi vhathu vha tshi lavhelela uri u ḓo ita zwavhuḓi, u fanela u bvisa zwiimiswa zwoṱhe. A thi vhoni u nga ro vha ri na ndugiselo dzo eḓanaho dza muṱaṱisano uyu.”

• VHALANI HAFHU: Mugudisi o amba nga u ṱuwa ha Saleng kha  Orbit Colleage

Mokwena u khou isa phanḓa na u tamba zwavhuḓi kha thimu yawe ngei Alger hune vha dzula nṱha ha zwigwada vha tshi khou ranga phanḓa nga 12 points.