Pirates yo khwathisa tshigwada nga u engedza vhatambi vhavhili

Orlando Pirates yo khwathisa tshigwada tshayo phanḓa ha musi hu tshi thoma luṱa lwa u fhedzisela lwa khalanwaha ya 2025/26. 

Vho saina vhatambi vhavhili – Daniel Msendami na Mpho Chabatsane – u bva kha Marumo Gallants.

Vha ṱanganela na Andre De Jong we na ene a ṱanganela na Orlando Pirates kha tshifhinga tsha u rengisa vhatambi vhukati ha khalanwaha.

MaBhakabhaka vho khwathisedza uri vho swikelela thendelano ya u renga kha Marumo Gallants nahone vhatambi vhavhili vha ḓo dzhena nga u ṱavhanya.

Hezwi zwi sumbedza zwavhuḓi ndivho ya tshigwada ya u khwaṱhisa tshigwada musi i tshi khou lugisela luta lwa vhuvhili lwa khalanwaha.

Pirates yo ḓovha ya khoḓa vhulanguli ha Gallants kha u fara nyambedzano nga nḓila ya maimo a nṱha na ya tshumisano.

Musi zwoṱhe zwo no fhela, Msendami na Chabatsane vha ḓo ṱanganela na vhatambi vhavho vhaswa kha tshigwada tshi re North West.

Vha Soweto giants vha tenda uri vhavhili vha do engedza vhudzivha, vhuimo na muṱaṱisano kha thimu.

Msendami o engedza muṱaṱisano kha vhupo ha penalty, ngeno Chabatsane a tshi vhonala sa muthu ane a ḓo dzhia vhudzulo ha Mbekezeli Mbokazi, we a rengiselwa Chicago Fire.

Orlando Pirates i khou khwathisa tshigwada tshayo musi i tshi khou sedza u ita divhazwakale nga u wina zwiphuga zwothe zwiraru zwa hayani.

Vho no vha na zwiphuga zwa MTN8 na Carling Knockout nahone vha ḓovha vha tshi khou tshimbila zwavhudi kha ligi sa izwi vha tshi khou ranga phanda.

• VHALANI HEZWI: Kiḽaba ya Mbokazi yo kunda Chiefs kha Dithejane 

Vha ḓo zwi wana nga Lavhuna uri ndi thimu ifhio ine vha ḓo tangana nayo kha Nedbank Cup musi hu tshi bviswa thimu dzine dza do dzhena kha mutatisano.