Kiḽaba ya Mbokazi yo kunda Chiefs kha Dithejane 

Dzina ḽa mutambi wa Afrika Tshipembe we a sainiwa zwenezwino nga tshigwada tsha Chicago Fire ngei US, Mbekezeli Mbokazi, ḽo fhedza ḽo bvelela.

Kiḽaba iyi yo vhanga mvelaphanḓa kha bola ya milenzhe ya Afrika Tshipembe nga matsheloni a Ḽavhuvhili musi i tshi ḓivhadza uri i na muṅwe mutambi wapo ane ya ḓo mu ḓivhadza.

I amba uri mutambi uyu u do divhadzwa nga Lavhuraru, zwe zwa sia vhatikedzi vha shango vha tshi khou humbulalela uri mutambi uyo a nga vha nnyi.

Vhanzhi vho vha vha tshi khou humbulela uri u bva kha tshigwada tsha Orlando Pirates, he tshigwada tsha Chicago Fire tsha kha ḓi tou bva u wana Mbekezeli Mbokazi, ane a ḓivhiwa sa TLB kha bola ya milenzhe.

Fhedzi zwino zwo bvelela uri mutambi ane a khou ambiwa nga hae ndi Puso Dithejane, we a vha e kha bugu dza TS Galaxy.

Dithejane o vha a tshi khou ṱoḓea vhukuma nga zwigwada zwihulwane zwapo, Mamelodi Sundowns na Kaizer Chiefs, dze dza vha dzi tshi khou lavhelelwa u ṱaṱisana.

The Sun yo vhiga nga Musumbuluwo uri mudzulatshidulo wa Galaxy Vho-Tim Sukazi vho khwathisedza uri Chiefs yo ita vhutumani.

O amba uri o kwamana na khotsi a mutambi, vhenevho vha mu eletshedza uri a kwame Sukazi ene muṋe ngauri ndi ene ane a khou langa.

Sundowns yo vha i tshi khou lingedza u mu renga zwino ngauri ndi nga nwedzi wa Phando nahone i khou mu vhulunga u swika khalanwaha i tshi fhela.

Zwino u ya nga ha Soccer Beat, mutambi uyu u ndilani ya u ya kha kilabu ya Donald Trump hune a do tamba kha thimu nthihi na Mbekezeli Mbokazi.

VHALANI HAFHU : Kaizer chiefs yo kwamana na Puso Dithejane

Nga hetshi tshifhinga, zwidodombedzwa zwa u sainwa hawe a zwi athu bviswa lwa tshiofisi sa izwi vha Chicago Fire vho lindela tshitatamennde.