Hossam Hassan o khoḓa vhagudisi vha Afrika kha Afcon yavhuḓi
Mugudisi wa Egypt Vho-Hossam Hassan vho sumbedza u takala havho kha mutambo wa Caf Africa Cup of Nations wa uno nwaha, vhari wo vula ndima ntswa kha bola ya milenzhe ya Afrika.
Thonamennde ine ya khou itwa ngei Morocco yo swika kha semi-final, ho sala mashango ane a ḓo vha ṋemuṱa wa mitambo ya Egypt, Senegal na Nigeria.
Mitambo i do tamba nga Lavhuraru vhusiku, final i do tamba nga Swondaha vhusiku, hune vhahali vhaswa vha do bvelela.
Hassan – ane a vha mutambi wa kale wa Egypt – uri zwine zwa mu ṱalusa ndi uri thimu dzoṱhe nṋa dzo salaho dzi gudiswa nga vhagudisi vhadzo kha dzhango.
Vho-Pape Thiaw vha na lions of Teranga, Vho-Eric Chelle vha na Super Eagles ngeno Walid Ragragui vha na Atlas lions.
“Ndi nga vha ndi na tshiṱalula kha hezwi,” ho amba Hassan. “Nahone ndi amba hezwi ndi tshi ṱhonifha vhagudisi vha nnḓa.
“Ndi munwe wa vhane vha funa vhagudisi vha Afrika.Ndi tshifhinga tsha uri mugudisi o bebwaho Egipita a vhuedzedze tshirunzi tshawe.”
U bva nga 2017, Afcon yo no kundwa nga mashango o gudiswaho nga vhagudisi vhao kha dzhango, zwine zwa vha vhuṱanzi ha mavhonele a Hassan.
Mugudisi wa u fhedzisela a si wa Afrika u wina Afcon ndi Hugo Broos wa Bafana Bafana we a wina na Cameroon nga 2017.
“Bola ya milenzhe ya Afrika i khou aluwa hafhu.Zwavhuḓi ndi uri ri dovha ra vha na vhatambi vho fhambanaho vha Afrika vhane vha khou bvelela kha ḽa Europe.
“Vhukuma vha kha vhuimo vhu fanaho na ha vha Europe, arali vha ṋewa tshikhala, vha ita mushumo sa zwe ra zwi vhona kale.”
