Ouaddou u amba nga ha tshiwo tshi shushaho tshe a tangana natsho
Ouaddou u amba nga ha khombo tshi shushaho tshe a tangana natsho.
Ho no fhela vhege mbili hu tshi khou ambiwa nga ha tshiimo tsha mugudisi wa Orlando Pirates Abdeslam Ouaddou nga murahu ha khombo ya goloi i ofhisaho.
Zwino, lwa u tou thoma, mugudisi o amba nga ha khombo, nahone maipfi awe o vha o ḓala vhuṱungu musi a o ponya lufu.
Tshiwo itshi tsho vha tshi tshi khou tshuwisa nahone tsho ṱoḓa u vhulaha vhashumi vha Pirates vha rathi vhe vha vha vha tshi khou lingedza u thusa.
Uya nga ha tshitatamennde tsho bviswaho nga Pirates nga murahu ha khombo, Ouaddou na vhashumi vhatanu vha songo bulwaho madzina vho vha vho wana khombo.
Nga lwa vhuṱolo, Ouaddou o bviswa vhuongeloni vhege yo fhiraho. Nahone ino vhege, o ṱharamudza tshanḓa tshawe, o vhonala fhethu hune thimu ya khou gudiswa hone.
O vha a tshi khou gudisa thimu yawe musi i tshi khou lugisela mitambo ya u fhedzisela ya MTN8 mafheloni a vhege.
Musi a tshi amba na vhoramafhungo, ho ngo dzumba o amba zwidodombedzwa zwa khombo na zwe zwa itea.
“Ndi vuwa ndo pfa ndo ṱungufhala… hu si ngauri ndo swika kha dzi finals fhedzi ngauri ndi nga amba na inwi ṋamusi”oralo ipfi ḽawe ḽi tshi kha ḓi vhavha.
Ho vha hu tshifhinga tshi konḓaho, tshi tshi sumbedza maitele a muthu we a vha e tsini na u lovha, fhedzi nga mashudu a tshila.
O zwi bvisela khagala uri u tshila ndi gundo nga ḽone ḽiṋe, na u hulisa vhaḓivhi vha zwa ngalafho vhe vha mu tshidza.
O sumbedza u livhuha hawe zwi tshi bva mbiluni.
“Kha vhashumi vha vhuongeloni, na vhukoni hoṱhe ha Afrika Tshipembe kha mushumo muhulwane we vha u ita uri ndi kone u vha fhano na u amba na inwi ṋamusi.
- VHALANI HAFHU : Orlando pirates yo ita nḓivhadzo malugana na Mbokazi
Musi mugudisi wavho o vhuya nga murahu ha tshifhinga tshi shushaho , Orlando Pirates i ḓo dzhena mudavhini i na ndivho khulwane vhukuma.
Ouaddou u ḓo vha a tshi khou fulufhela u wina tshiphuga tshawe tsha u thoma na Pirates nga murahu ha musi o dzhiela vhudzulo Jose Riveiro, mugudisi o bvelelaho vhukuma wa thimu.
Translated by Nthaduleni Rolivhuwa
