Bafana Bafana yo xelelwa nga phoindi tharu
Bafana Bafana yo xelelwa nga phoindi tharu nga murahu ha musi FIFA yo dzhia tsheo ngaha Teboho Mokoena fhedzi vha Safa vha khou ita khumbelo ya khatululo kha tsheo yeneyo.
Dzangano ḽa Bola ya Milenzhe ḽa Afrika Tshipembe (SAFA) ḽi khou ṱoḓa u ita mbilaelo kha tsheo ya FIFA ya u bvisa phoindi tharu kha Bafana Bafana malugana na nyimele ine ya khou kwama Teboho Mokoena.
Mutambi wa vhukati wa minwaha ya 28 o vha o imiswa lwa mutambo muthihi kha mutambo wa u khetha wa World Cup na Lesotho, we Bafana ya u wina nga 2-0.
Mokoena o tamba kha mutambo wonoyo, zwe zwa kombetshedza FIFA u ita tsedzuluso ya mugwalabo we wa itwa.
Nga Musumbuluwo, tshiimiswa tshi langaho bola ya milenzhe tsha ḽifhasi tsho bvisa tshitatamennde nga ha nyimele ine ya katela u sa fanelea ha Mokoena na Bafana vho ṋewa zwiṱirathedzhi.
- VHA RI WANA KHA FACEBOOK| facebook.com/profile.
“Sa SAFA, ro dinalea vhukuma nga mvelelo iyi i sa athu vhuya ya vha hone ri tshi ṱhogomela uri yo ṋetshedzwa nga phanele ya muraḓo muthihi hu si na zwiitisi, nahone hu si na u ṋea Dzangano tshikhala tsha u ṋetshedza mbuno dza mulayo.
“Nga tshifhinga tsho vhewaho tsha maḓuvha a 10 nga fhasi ha milayo ya ndayo ya FIFA,” Safa yo amba nga hazwo kha tshitatamennde.
Kha tshitatamennde, dzangano a li ngo amba uri hu do dzhiiwa vhukando kha vhane vha vha na vhudifhinduleli ha u londa u bookiwa na u imiswa ha vhathu.
“Vhatambi na thimu ya thekhinikhala vho shuma nga maanda u swika kha vhuimo uhu, nahone ri kha di vha ro sedza kha u vhona uri vha wana phoindi nnzhi kha mitambo ine ya khou da.
“Ri humbela pfarelo kha lushaka kha vhulavhelesi uhu ha ndaulo nahone ri do elekanya nga ha maga ane ra tea u a dzhia musi ri tshi phetha fulo lashu la u khethea,” Safa addede.
- VHALANI HAFHU: Vho Ramilayo vha Nabi vs Amakhosi
Uya nga ha vhaḓivhi, Safa i nga kha ḓi kundwa kha mbilaelo, fhedzi Bafana i kha ḓi vha nḓilani ya u dzhena kha mitambo nahone i ṱoḓa fhedzi u wina mitambo yayo ya u fhedzisela nga nḓila i khwaṱhisaho.
Safa i fanela u ita khumbelo kha FIFA kana i tanganedze mulandu?
Translated By Nthaduleni Rolivhuwa
