‘Pfarelo, fhedzi Chiefs a yo ngo ntakadza’ – Broos
“Ndi tshikhala tshifhio?Naa u raha tshikoro ndi tshikhala?Broos o vhudzisa musi a tshi vhudzwa uri Chiefs yo sika zwikhala zwinzhi musi i tshi tamba na AmaZulu.
Mugudisi muhulwane wa Bafana Bafana Vho-Hugo Broos vho dovha vha talutshedza uri ndi ngani vho khetha u sa nanga vhatambi vha Kaizer Chiefs kha tshigwada tshavho tsha vhatambi vha 23.
A si lwa u thoma tshikwadi tsha Mugudisi tshi tshi shaya vhatambi vha Amakhosi.
Musi vha tshi vhudziswa tshifhingani tsho fhiraho uri ndi ngani vha tshi dzhiela fhasi vhatambi vha Chiefs, mugudisi wa Belgium o ima o khwaṱha, a ṱalutshedza nḓila ye tshigwada tsha Soweto tsha vha fhasi ha tshikalo kha miṅwaha i si gathi yo fhiraho.
Musi vha tshi khou amba kha SABC Sports, Vho-Broos vho amba uri a vha khou takadzwa nga nḓila ye tshigwada tsha Kaizer Chiefs tsha tamba ngayo kha mitambo yavho yo fhelaho.
“Khamsi vhathu vha do dovha vha ntsinyutshela fhedzi ndo vha ndi kha mutambo wa Chiefs mulovha Chiefs a yo ngo tamba mutambo wavhudi, Pfarelo,” ndi mugudisi wa Bafana.
“Khamusi ndo fhambana na inwi kha u ṱola mitambo, fhedzi ndi nga si ambe uri ndo vhona mutambo wavhuḓi mulovha.
“Ndi ṱoḓa u vhona mitambo minzhi hune vha sumbedza u lwa na u tamba na thimu dza vhuimo ha nṱha,” o engedza nga u ralo.
Mugudisi wa Bafana o amba uri o takadzwa nga nḓila ine khalanwaha ya khou tshimbila ngayo.
Vho bvisela khagala uri Mamelodi Sundowns a yo ngo vha na maanḓa musi i tshi vhambedzwa na dzi khalanwaha dzo fhiraho fhedzi vha dovha vha khoḓa Orlando Pirates.
- Vhalani hafhu: Broos o ṱalula thaidzo ya Rele Mofokeng, u pulana u mu thusa
“Pirates i tamba zwavhudi vhukuma zwino, vha na tshigwada tsha vhatambi hune vha nga ita tshanduko tshifhinga tshothe. Hezwo ndi zwavhudi [kha bola ya milenzhe ya Afrika Tshipembe],” Broos o engedza.
Translated by Nthaduleni Rolivhuwa
