Ntwari wa Chiefs o itwa muaro kha mahaḓa

Mulindavhuno wa Kaizer Chiefs Fiacre Ntwari u do vha a si tsha tamba lwa minwedzi i ṱoḓaho u vha mivhili nga murahu ha u ita muaro  kha mahaḓa.

Zwo bviselwa khagala nga Ḽavhuraru uri muaro we a u itwa kha mahaḓa wo tshimbila zwavhuḓi.

U tshimbila zwavhuḓi ha muaro zwo bviselwa khagala nga tshigwada  tsha madokotela  tshe tsha mu ṱhogomela.

Fiacre Ntwari zwino u ḓo dzhena kha luṱa lwa ndeme lwa u fhola lwa miṅwedzi mivhili.

• vhari wana kha facebook| Mitamboyashu.co.za

Tshifhinga hetshi tshi amba uri mulindavhuno u ḓo xelelwa nga mitambo i si gathi i tevhelaho.

Fhedzi nga tshifhinga tsha u awela tsha Caf Africa Cup of Nations (Afcon) tshine tsha khou ḓa nga ṅwedzi wa Nyendavhusiku, Ntwari a nga si ṱahelelwe nga mitambo minzhi nga u ralo.

Fiacre Ntwari o sainiwa nga Chiefs nga ndivho ya u tandulula thaidzo ya thimu ya vhalindavhuno.

Fhedzi nga murahu ha u thoma zwavhuḓi kha khalanwaha yo fhiraho, o vha a si na mashudu a u ita vhukhakhi vhuhulwane he ha fheleledza ho ita uri a xelelwe nga vhuimo hawe kha thimu.

O tou vhuya kha thimu sa izwi e ene ane a dzula kha bantshi – phanḓa ha Bruce Bvuma.

• VHALANI HAFHU: Ndlondlo o dzumbulula mushumo wawe muhulwane kha Gallants

Musi a tshi khou bvela phanḓa na u fhola, u ḓo vha na tshikhala tshavhuḓi tsha u dovha a ḓifulufhela na u itela khaedu Brandon Petersen.

Hu na fulufhelo ḽa uri nga ṅwedzi wa Ṱhafamuhwe – musi khalanwaha ya PSL i tshi thoma hafhu – u ḓo vha o no fhola tshoṱhe.