Vho Ramilayo vha Nabi vs Amakhosi

Mafhungo a vhugudisi ha Kaizer Chiefs a khou bvela phanḓa.

Mugudisi Nasreddine Nabi u kha di vha Afrika Tshipembe vhumatshelo hawe na Amakhosi a vhu khagala. 

Kaizer chiefs na Nasreddine Nabi vha kha di vha vho valelwa kha nndwa ya mulayo.

Mugudisi wa Tunisia o xelelwa nga mitambo miraru ya u fhedzisela ya tshigwada nga murahu ha musi zwo bvelela uri ha na ḽaisentsi ya u gudisa ya CAF i shumaho ya u dzula kha bennde kha mitambo ya dzhango.

Hezwi zwo ita uri Amakhosi i imise mushumo wa mugudisi wa minwaha ya 60, zwa vusa nyimele i songo ḓoweleaho vhukuma.

Mivhigo i bvaho kha vhoramafhungo vha Sowetan Vho-Nkareng Matshe na Vho-Nevile Khoza vhari Nabi mathomoni o ḓiṋekedza u ṱuwa nga murahu ha tshutshedzo ya u imiswa mushumoni.

Zwi mangadzaho ndi uri nga murahu tshigwada tshawe tsha zwa mulayo tsho ḓivhadza vhalanguli vha Kaizer Chiefs’

Uri mugudisi u ḓo takalela u shandula tsheo yeneyo na u fhedza thendelano yawe u swika i tshi fhela mafheloni a khalanwaha.

Naho zwo ralo, tshigwada tshi khou ṱolisisa thetsheleso ya fomala ya u kaidzwa malugana na vhukoni hawe, zwine zwa nga ita uri a pandelwe mushumoni tshoṱhe.

Hu na mivhigo ine ya ri Nabi o ṋewa nḓivhadzo dza u khethekanya mabammbiri awe.

Mashudu mavhi, mivhigo i sumbedza uri vhushaka vhu nga vha vhu sa tsha vhuyedzedzwa.

Maitele a u kaidza ane a khou ḓa a nga thoma vhushaka hafhu kana a fhelisa lwa tshiofisi tshifhinga tsha mutambi wa Tunisia kha zwigwada zwihulwane zwa Betway Premiership.

Nga murahu ha u livhisa tshigwada tsha Tanzania tsha Simba SC kha u wina zwiphuga zwa ligi nga u tou tevhekana, Nabi o pfulutshela kha tshigwada tsha Morocco AS FAR, he a xelelwa nga khare ya ligi ya 2023/24 nga phoindi nthihi fhedzi.

Mutambi wa Tunisia o mbo ḓi ḓirula mushumo a sa athu dzhena kha Kaizer Chiefs nga ṅwedzi wa Ṱhangule ṅwaha wo fhiraho, phanḓa ha khalanwaha ya 2024/25.

Fulo ḽawe ḽa u thoma ngei Mzansi ḽo vha ḽi tshi khou nyadzisa.

• Vhalani hafhu : Orlando Pirates: Nḓila ye Mofokeng a thusa ngayo Nkota

Amakhosi yo fhedza i kha vhuimo ha vhuṱahe kha Betway Premiership, yo kuvhanganya phoindi dza 32 kha mitambo ya 28: u kunda ha 8, u tamba u lingana ha 8, na u kundwa ha 12 .

Translated by Nthaduleni Rolivhuwa