John Wick o amba nga ha mutambo wa Pirates na Ts Galaxy
John Wick o amba nga ha mutambo wa Pirates na Ts Galaxy
Masindi Nemtajela o nangiwa sa mutambi wa khwinesa musi thimu ya Orlando pirates i tshi kunda TS Galaxy nga zwikoro zwivhili kha gumba mitambo wa Betway Premiership nga Ḽavhuvhili nga madekwana.
Mvelelo dzo ita uri Pirates ivhe i kha vhuimo ha vhuraru kha logi ya Premiership
Nemtajela, we a tamba lwa u thoma u bva tshe a dzhena kha Orlando Pirates, o vha a tshi langa mutambo vhukati ha mudavhi nahone o vha o tewa nga pfufho.
Musi a tshi amba nga murahu ha mutambo, o livhuwa Mdali na vhatambi ngae kha u mu tikedza na u mu ṋea ṱhuṱhuwedzo ye a vha a tshi i ṱoḓa musi mutambo u sa athu thoma.
“Ndi ḓo thoma nga u livhuwa Mdali… Ho vha hu si mutambo wo leluwaho fhedzi ro vha ri tshi fanela u lwa,” ho amba mutambi ane a ḓivhiwa nga ḽa John Wick.
“Ro vha ri tshi dzulela u tikedzana gym.
“Vhatambi nga nṋe vho vha vha tshi nṱuṱuwedza.
” Vho mmbudza uri ṋamusi ndi tshikhala tshanga, tsha u bvela phanḓa he nda litsha hone kha mutambo wo fhiraho.
“Ndi livhuwa vhatambi vhanga kha thikhedzo yavho.
“Zwo vha zwi songo leluwa fhedzi nga thikhedzo na ṱhuṱhuwedzo yavho, vha tshi ri vho vhona zwine nda khou ita, zwo fhedza zwo luga.”
Tshikoro tsha u thoma tsho ḓa nga murahu ha penalty ye ya ṋewa Pirates nga miniti wa vhu 20, musi Evidence Makgopa a tshi takuwa a i posa kha nethe.
Naho Pirates yo vha na zwinwe zwikhala u swika kha tshifhinga tsha u awela, yo vha i kha di vha 1-0. Kha tshipida tsha vhuvhili, Galaxy yo vhuya yo khwatha.
VHALANI HAFHU : Abdeslam Ouaddou a nga fhira jose Riveiro nga khalanwaha nthihi
Fhedzi o kundelwa u wana tshikoro.
Translated by Nthaduleni Rolivhuwa
