Broos o ṱalula thaidzo ya Rele Mofokeng, u pulana u mu thusa
Hugo Broos o engedza thikhedzo yawe kha mutambi wa Orlando Pirates na Bafana Bafana Relebohile Mofokeng ane .
Rele Mofokeng ndi munwe wa vhatambi vhaswa vhane vha khou sedziwa vhukuma kha bola ya milenzhe yapo kha vhumatshelo.
U xelelwa hawe nga fomo ndi zwithu zwine Broos a ri zwo ḓowelea musi ri tshi sedza nyimele ya mutambi zwino.
“Zwe zwa itea kha Rele zwo vha zwo lavhelelwa,” ndi Hugo Broos musi a tshi bvisela khagala thimu yawe ya zwenezwino nga Ḽavhuṋa.
“Ho vha hu na dzangalelo ḽihulwane ḽi bvaho shangoni ḽoṱhe khae. Zwothe zwo vha zwi tshi khou amba nga ha Rele… Vhathu vho vha vha tshi khou amba nga hae fhethu hothe.”
Rele Mofokeng o vha a tshi khou lavhelelwa u pfulutshela kha maṅwe mashango mafheloni a khalanwaha yo fhiraho.
Naho zwo ralo, zwenezwo zwo fheleledza zwi songo itea naho o vha a tshi ṱumana na zwigwada zwinzhi zwo fhamba-fhambanaho.
Broos u humbulela uri zwenezwi zwo mu kwama maḓipfeleni na muhumbuloni, nahone o fulufhedzisa u mu thusa u zwi kunda.
“Ndi zwe zwa itea kha Rele nahone a si zwavhuḓi.Hu ḓo ḓa tshifhinga tshine a ḓo fheleledza o humbula nga hazwo, nahone a sa livhise ṱhogomelo kha bola ya milenzhe.
“Ndi zwe zwa itea khae fhedzi levele yawe i kha di vha ntha a thi nga mu litshi zwa zwino.
“Ri ḓo shuma nae, ndi ḓo lingedza u amba nae uri a vhuyedzedze fulufhelo ḽawe na u mu ṱuṱuwedza uri a livhise ṱhogomelo kha bola ya milenzhe, a litshe zwiṅwe zwoṱhe…
“U tea u hangwa zwo salaho. Kha a hangwe hezwo, zwo salaho zwi do itea musi tshifhinga tsho swika,” ndi Broos a tshi talutshedza.
VHALANI HAFHU : Daniel Akpeyi o bvisela khagala pulane dzawe
Rele Mofokeng u kha tshigwada tsha Broos’ tshine tsha ḓo tamba mitambo mivhili ya u fhedzisela ya u ṱanganedza khapi ya ḽifhasi ṅwedzi uno.
Translated By Nthaduleni Rolivhuwa
