Abdeslam Ouaddou a nga fhira jose Riveiro nga khalanwaha nthihi

Abdeslam Ouaddou o wina mitambo ya sumbe yo tevhekanaho nahone o no engedza khaphu nthihi kha khabinethe ya Orlando Pirates.

Vhatikedzi vha Orlando Pirates vha vhonala vha tshi tikedza nga vhuḓalo  Abdeslam Ouaddou nga murahu ha musi vho kunda lwa sumbe nga u tou tevhekana kha miṱaṱisano yoṱhe.

Mugudisi wa Morocco wa minwaha ya 46 o dzhia vhudzulo ha Jose Riveiro nga nwedzi wa Ṱhangule.

Fhedzi ho vha ho no vha na u timatima nga ha vhukoni hawe ha u gudisa na musi khalanwaha i sa athu thoma.

Mitambo yawe mivhili ya u thoma ya ligi yo fhela nga u kundwa.

Ouaddou o konḓelela ḓumbu nahone a kona u wana ṱhanganyelo yo fhelelaho kha u tsireledza, u ṱhasela na vhukati ha mudavhi.

U swika zwino, Buccaneers yo vhulunga MTN8 nahone i kha vhuimo havhuḓi ha kha Betway Premiership.

Nga miṅwaha miraru, Riveiro o wina zwiphuga zwiṱanu, zwine zwa katela zwiphuga zwiraru zwa MTN8 na zwiphuga zwivhili zwa Nedbank Cup.

Mashudu mavhi, mutambi wa Spain ho ngo vhuya a kunda kha ligi, o fhedza e kha vhuimo ha vhuvhili kha dzi khalaṅwaha tharu dzi tevhelaho.

Thimu yawe yo vha i khwine kha miṱaṱisano ya khaphu, yo vha yo no swika kha dzi final dza rathi nga miṅwaha miraru fhedzi a kha tshigwada.

Arali Ouaddou a nga wina ligi, o vha a tshi ḓo vha o lingana na u bvelela ha Riveiro, nga ṅwambo wa uri vhatikedzi vha Pirates vho dzula vha tshi dzhiela nṱha Betway Premiership u fhira dziṅwe khaphu dza hayani.

U kunda ha CAF Champions League ndi zwone zwine zwa do ita uri a vhe legend kha kilabu, hu sa londwi uri team i do fhedza ngafhi uno nwaha.

• Vhalani hafhu : Bafana Bafana yo xelelwa nga phoindi tharu

Nga ndila ine Pirates ya khou tamba ngayo, zwi ya konadzea uri vha do engedza tshinwe tshiphuga kha khabinethe yavho.

Translated by Nthaduleni Rolivhuwa